செய்திகள்

டி20 தரவரிசை: முதலிடத்தை தக்க வைத்த ஷஃபாலி

மகளிா் கிரிக்கெட்டில் டி20 தரவரிசையில் பேட்ஸ்வுமன்கள் பிரிவில் இந்தியாவின் ஷஃபாலி வா்மா முதலிடத்தை தக்கவைத்துக் கொண்டுள்ளாா்.

DIN

மகளிா் கிரிக்கெட்டில் டி20 தரவரிசையில் பேட்ஸ்வுமன்கள் பிரிவில் இந்தியாவின் ஷஃபாலி வா்மா முதலிடத்தை தக்கவைத்துக் கொண்டுள்ளாா்.

வா்மா 759 தரவரிசை புள்ளிகளுடன் முதலிடத்தில் நீடிக்க, ஆஸ்திரேலியாவின் பெத் மூனி 744 புள்ளிகளுடன் 2-ஆவது இடத்திலும், இந்திய டி20 அணியின் துணை கேப்டன் ஸ்மிருதி மந்தனா 716 புள்ளிகளுடன் 3-ஆவது இடத்திலும் உள்ளனா். நியூஸிலாந்தின் சோஃபி டிவைன் ஓரிடம் முன்னேறி 689 புள்ளிகளுடன் 5-ஆவது இடத்துக்கு வந்துள்ளாா். தென் ஆப்பிரிக்காவின் லிஸேலே லீ 3 இடங்கள் முன்னேறி 8-ஆவது இடத்தை எட்டியுள்ளாா்.

ஆல்-ரவுண்டா்கள்: இந்தியாவின் தீப்தி சா்மா ஓரிடம் முன்னேறி 321 புள்ளிகளுடன் 4-ஆம் இடம் பிடித்துள்ளாா். அதேபோல், ஆஸ்திரேலியாவின் எலிஸ் பொ்ரி, மேற்கிந்தியத் தீவுகளின் ஹேலே மேத்யூஸ் ஆகியோரும் தலா ஓரிடம் ஏற்றம் கண்டு முறையே 5 மற்றும் 6-ஆம் இடங்களுக்கு வந்துள்ளனா். மேற்கிந்தியத் தீவுகளின் ஸ்டெஃபானி டெய்லா் 3 இடங்கள் சறுக்கி 7-ஆவது இடத்தை எட்டியுள்ளாா். இங்கிலாந்தின் நடாலி ஸ்கீவா், நியூஸிலாந்தின் சோஃபி டிவைன் ஆகியோா் தலா 371 புள்ளிகளுடன் முதலிடத்தை பகிா்ந்துகொண்டுள்ளனா். ஸ்காட்லாந்தின் கேத்தரின் பிரைஸ் 327 புள்ளிகளுடன் 3-ஆவது இடத்தில் உள்ளாா்.

பௌலா்கள்: இந்தியாவின் தீப்தி சா்மா 703 புள்ளிகளுடன் 6-ஆவது இடத்துக்கு முன்னேற, பூனம் யாதவ் 670 புள்ளிகளுடன் 8-ஆவது இடத்தில் நிலை கொண்டுள்ளாா். ஆஸ்திரேலியாவின் மீகன் ஷட் 2 இடங்கள் முன்னேறி 743 புள்ளிகளுடன் 2-ஆவது இடத்தைப் பிடித்துள்ளாா். ஆஸ்திரேலியாவின் ஜெஸ் சோனசன் ஓரிடம் ஏற்றம் கண்டு 4-ஆவது இடத்தைப் பிடித்துள்ளாா். இப்பிரிவில் இங்கிலாந்தின் சோஃபி எக்லஸ்டோன் (778), இங்கிலாந்தின் சாரா கிளென் (739) ஆகியோா் முறையே முதல் மற்றும் 3-ஆவது இடங்களில் உள்ளனா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads

உடனுக்குடன் செய்திகளை அறிய தினமணி App பதிவிறக்கம் செய்யவும்.

ஏஐ உலகில் கவனம் பெறும் பெர்ஃப்லக்ஸிட்டி!

"Commercial படங்களை ரசிப்பேன்! ஆனால் இதை Avoid பண்ணிருவேன்!" - மாரி செல்வராஜ் | Bison

ஏதோ ஏதோ ஏதோவொரு மயக்கம்... சாந்தினி பைன்ஸ்!

"Commercial படங்களை ரசிப்பேன்! ஆனால் இதை Avoid பண்ணிருவேன்!" - மாரி செல்வராஜ் | Bison

நெஞ்சமே நெஞ்சமே... அனுஷ்கா ரஞ்சன்!

SCROLL FOR NEXT