ஆஸ்திரேலியாவில் நடைபெறும் டி20 உலகக் கோப்பைப் போட்டியில் அதிக ரன்களை எடுப்பது கடினமாக இருந்தாலும் சிக்ஸர் மழை பொழியாமல் இல்லை. சில வீரர்கள் வழக்கம் போல இங்கும் சிக்ஸர்கள் அடித்து ரசிகர்களை மகிழ்வித்துள்ளார்கள். 

டி20 உலகக் கோப்பைப் போட்டியில் குரூப் 2 பிரிவில் முதல் இடம் பிடித்து அரையிறுதிக்குத் தகுதியடைந்துள்ளது இந்திய அணி. அரையிறுதிக்கு இந்தியா, நியூசிலாந்து, இங்கிலாந்து, பாகிஸ்தான் ஆகிய 4 அணிகள் தகுதி பெற்றுள்ளன. புதன் அன்று சிட்னியில் நடைபெறும் முதல் அரையிறுதியில் நியூசிலாந்து - பாகிஸ்தான் அணிகள் மோதவுள்ளன. வியாழன் அன்று அடிலெய்டில் நடைபெறவுள்ள 2-வது அரையிறுதியில் இந்தியா - இங்கிலாந்து அணிகள் மோதவுள்ளன.

சூப்பர் 12 சுற்றில் அதிக சிக்ஸர்கள் அடித்த வீரர்களில் முதலிடம் பிடித்துள்ளார்கள் தென்னாப்பிரிக்காவின் ரூசோவும் ஆஸ்திரேலியாவின் ஸ்டாய்னிஸும். இருவரும் தலா 9 சிக்ஸர்களை அடித்துள்ளார்கள். இந்திய வீரர்களில் சூர்யகுமாரும் ராகுலும் தலா 8 சிக்ஸர்களை அடித்துள்ளார்கள். 

சூப்பர் 12 சுற்றில் அதிக சிக்ஸர்கள்

ரூசோவ் (தென்னாப்பிரிக்கா) - 9
மார்கஸ் ஸ்டாய்னிஸ் (ஆஸ்திரேலியா) - 9
கிளன் பிளிப்ஸ் (நியூசிலாந்து) - 8
கே.எல். ராகுல் (இந்தியா) - 8
சூர்யகுமார் யாதவ் (இந்தியா) - 8
விராட் கோலி (இந்தியா) - 7