வங்கதேசத்தில் நடைபெற்று வரும் ஆசியக் கோப்பை டி20 போட்டியில் இலங்கைக்கு எதிரான ஆட்டத்தில் இந்திய மகளிர் அணி 20 ஓவர்களில் 6 விக்கெட் இழப்புக்கு 150 ரன்கள் எடுத்தது.

ஷெஃபாலி வர்மா வர்மா 10 ரன்களிலும் மந்தனா 6 ரன்களிலும் ஆட்டமிழந்தார்கள். இதன்பிறகு கேப்டன் ஹர்மன்ப்ரீத் கெளர் - ஜெமிமா ரோட்ரிகஸ் அபாரமான கூட்டணியை அமைத்தார்கள். இருவரும் 71 பந்துகளில் 92 ரன்கள் எடுத்தார்கள். ஜெமிமா 38 பந்துகளில் 50 ரன்கள் எடுத்தார். ஹர்மன்ப்ரீத் 33 ரன்களிலும் ஜெமிமா 76 ரன்களிலும் ஆட்டமிழந்தார்கள். இந்திய அணி 20 ஓவர்களில் 6 விக்கெட் இழப்புக்கு 150 ரன்கள் எடுத்தது. இலங்கையின் ஒஷாதி உதேசிகா 3 விக்கெட்டுகளை வீழ்த்தினார். 

ஆசியக் கோப்பை டி20 போட்டியில் 7 நாடுகள் போட்டியிடுகின்றன. இந்திய அணி அக்டோபர் 3 அன்று மலேசியாவையும் அக்டோபர் 4 அன்று ஐக்கிய அரபு அமீரகத்தையும் அக்டோபர் 7 அன்று பாகிஸ்தானையும் அக்டோபர் 8 அன்று வங்கதேசத்தையும் அக்டோபர் 10 அன்று தாய்லாந்தையும் எதிர்கொள்கிறது. அக்டோபர் 13 அன்று அரையிதிச் சுற்றும் அக்டோபர் 15 அன்று இறுதிச்சுற்றும் நடைபெறவுள்ளன.