இந்திய கிரிக்கெட் வீரர் விராட் கோலியும், அவரது மனைவியும் பாலிவுட் நடிகையுமான அனுஷ்கா சர்மாவும் இணைந்து நடனமாடிய காணொலி இணையத்தில் வைரலாகி வருகின்றது.

ஐபிஎல் தொடரில் ராயல் சேலஞர்ஸ் பெங்களூர் அணிக்காக விளையாடி வரும் விராட் கோலி, கடந்த இரண்டு போட்டிகளில் கேப்டனாக செயல்பட்டு வருகிறார். பெங்களூரு அணி விளையாடும் போட்டிகளை காண அனுஷ்கா சர்மா அவ்வப்போது மைதானம் வருவது வழக்கம்.

நேற்று ராஜஸ்தான் ராயல்ஸ் அணிக்கு எதிராக பெங்களூரு அணி விளையாடிய ஆட்டத்தை காண அனுஷ்கா சர்மா மைதானத்திற்கு வந்திருந்தார். அப்போது ராஜஸ்தான் அணி வீரர் கொடுத்த கேட்சை பிடித்த கோலி, அனுஷ்கா சர்மாவை நோக்கி ‘ஃப்லையிங் கிஸ்’ கொடுத்த காணொலி வைரலானது.

இந்நிலையில், உடற்பயிற்சி கூடத்தில் விராட் கோலியுடன் பஞ்சாபி பாடலுக்கு நடனமாடும் காணொலியை அனுஷ்கா சர்மா இன்ஸ்டாகிராமில் பகிர்ந்துள்ளார். இந்த காணொலி தற்போது வைரலாகி வருகிறது.