பிரபல கிரிக்கெட் வீரர் உமேஷ் யாதவின் தந்தை காலமானார். அவருக்கு வயது 74. 

35 வயது உமேஷ் யாதவ், இந்திய அணிக்காக 54 டெஸ்டுகள், 75 ஒருநாள், 9 டி20 ஆட்டங்களில் விளையாடியுள்ளார். ஆஸ்திரேலியாவுக்கு எதிரான டெஸ்ட் தொடரில் விளையாடும் இந்திய அணியில் இடம்பெற்றுள்ளார். எனினும் முதல் இரு டெஸ்டுகளிலும் அவர் விளையாடவில்லை. 

இந்நிலையில் உமேஷ் யாதவ் தந்தை திலக், உடல்நலக்குறைவு காரணமாக நாகபுரியில் சிகிச்சை எடுத்து வந்தார். இந்நிலையில் சிகிச்சை பலனின்றி திலக் இன்று காலமானார். 

2-வது டெஸ்டுக்குப் பிறகு உமேஷ் யாதவ் உள்பட இந்திய வீரர்கள் அனைவரும் சொந்த ஊருக்குத் திரும்பியுள்ளார்கள். இதனால் இறுதிச் சடங்குகளை முடித்துவிட்டு 3-வது டெஸ்ட் தொடங்கு முன்பு இந்திய அணியினருடன் உமேஷ் யாதவ் இணைந்து கொள்வார் என எதிர்பார்க்கப்படுகிறது.