நியூசிலாந்துக்கு எதிரான ஒருநாள் ஆட்டத்தில் துணை கேப்டனுக்கு வாய்ப்பளிக்க முடியாத நிலைமை பாகிஸ்தான் அணிக்கு ஏற்பட்டுள்ளது. 

பாகிஸ்தான் - நியூசிலாந்து அணிகளுக்கு இடையிலான முதல் ஒருநாள் ஆட்டம் கராச்சியில் நடைபெற்று வருகிறது. டாஸ் வென்ற பாபர் ஆஸம், பந்துவீச்சைத் தேர்வு செய்தார்.

33 வயது ஷான் மசூத், பாகிஸ்தான் அணிக்காக 28 டெஸ்டுகள், 5 ஒருநாள், 19 டி20 ஆட்டங்களில் விளையாடியுள்ளார். மூன்று வருடங்களுக்கு முன்பு பாகிஸ்தான் ஒருநாள் அணியில் விளையாடிய ஷான் மசூத், நியூசிலாந்துக்கு எதிரான ஒருநாள் தொடருக்குத் தேர்வானார். ஒருநாள் ஆட்டம் தொடங்கும் முன்பு, பாகிஸ்தான் அணியின் துணை கேப்டனாகவும் அறிவிக்கப்பட்டார்.

இந்நிலையில் இன்றைய ஒருநாள் ஆட்டத்தில் துணை கேப்டனான ஷான் மசுத் இடம்பெறவில்லை. ஹாரிஸ் சொஹைல், சல்மான், ரிஸ்வான் ஆகியோர் நடுவரிசையில் விளையாட வேண்டியிருப்பதால் பாகிஸ்தான் அணியில் அவருக்கு இடம் கிடைக்கவில்லை.