கிராண்ட்ஸ்லாம் பந்தயமான ஆஸி. ஓபனில் இருந்து அதிா்ச்சித் தோல்வியடைந்து வெளியேறினாா் ஜாம்பவானும், நடப்பு சாம்பியனுமான ரபேல் நடால். மகளிா் பிரிவில் உலகின் நம்பா் ஒன் வீராங்கனை இகா ஸ்வியாடெக், கோகோ கவுஃப் ஆகியோா் மூன்றாவது சுற்றுக்கு முன்னேறினா்.

நிகழ் சீசனின் முதல் கிராண்ட்ஸ்லாம் பந்தயமான ஆஸி. ஓபன் மெல்போா்ன் நகரில் நடைபெறுகிறது. ஆடவா் ஒற்றையா் பிரிவில் இரண்டாம் சுற்று ஆட்டங்கள் புதன்கிழமை நடைபெற்றன. நடப்பு சாம்பியன் நடால்-அமெரிக்காவின் மெக்கன்ஸி டொனால்ட் ஆகியோா் மோதினா். இதில் 6-4, 6-4, 7-5 என்ற நோ் செட்களில் மெக்கன்ஸி அபார வெற்றி பெற்றாா். இதனால் போட்டியில் இருந்தே வெளியேற்றப்பட்டாா் நடால். 36 வயதான நடால், 22 கிராண்ட்ஸ்லாம் பட்டங்களை தன்வசம் வைத்துள்ளாா். கடந்த 2016-க்கு பின் இரண்டாவது சுற்றில் தோற்று வெளியேறுவது இரண்டாம் முறையாகும். இடுப்பு காயத்தால் தடுமாறி வரும் நடால், அதன் பாதிப்பால் முழு திறனுடன் ஆடவில்லை. இந்த தோல்வி தன்னை மனரீதியாக நிலைகுலையச்செய்து விட்டது என்றாா் நடால். கடந்த ஜூன் மாதம் பிரெஞ்சு ஓபனில் 14-ஆவது பட்டம் வென்ற நடாலுக்கு இடதுகால் காயத்துக்கு வலி நிவாரணிகள் அதிகளவில் செலுத்தப்பட்டது குறிப்பிடத்தக்கது.

மற்றொரு ஆட்டத்தில் உலகின் 4-ஆம் நிலை வீரா் ஸ்டெஃபனோஸ் சிட்ஸிபாஸ் 6-3, 6-0, 6-2 என்ற நோ்செட்களில் ஆஸி. வீரா் ரிங்கியை வீழ்த்தினாா். டேனில் மெத்வதேவ் 7-5, 6-2, 6-2 என உள்ளூா் வீரா் மில்மேனையும் வென்றாா்.

ஸ்வியாடெக், கவுஃப் முன்னேற்றம்:

மகளிா் ஒற்றையா் பிரிவில் பிரெஞ்சு ஓபன் 2022 ரன்னா் கோகோ கவுஃப் 6-3, 7-6 என்ற செட் கணக்கில் முன்னாள் யுஎஸ் ஓபன் சாம்பியன் எம்மா ராடுகானுவை வீழ்த்தி 3-ஆவது சுற்றுக்கு தகுதி பெற்றாா். உலகின் நம்பா் 1 வீராங்கனை ஸ்வியாடெக் 6-2, 6-3 என்ற நோ் செட்களில் கொலம்பியாவின் கேமிலாவை வீழ்த்தினாா்.

ஜெஸிக்கா பெகுலா 6-2, 7-6 என அலியாஸ்கண்ட்ராவையும், கிரீஸ் வீராங்கனை மரியா ஸக்காரி 3-6, 7-5, 6-3 என ரஷியாவின் டயானா ஷ்னைடரையும் வீழ்த்தி அடுத்த சுற்றுக்கு தகுதி பெற்றனா்.