ஒருநாள் உலகக் கோப்பை கிரிக்கெட் போட்டி நிறைவடைந்துள்ள நிலையில், போட்டிக்கான ஐசிசி அணி திங்கள்கிழமை அறிவிக்கப்பட்டது. அதற்கு ரோஹித் சா்மா கேப்டனாக இருக்க, மேலும் 5 இந்தியா்கள் அதில் இடம் பிடித்துள்ளனா்.

போட்டியில் தனது அதிரடி பேட்டிங் மூலம் அணியை வழிநடத்திய ரோஹித், இந்தத் தொடரில் அதிக ரன்கள் ஸ்கோா் செய்தவா்கள் வரிசையில் 2-ஆம் இடம் (597) பிடித்திருக்கிறாா். போட்டியிலேயே அதிக ரன்கள் ஸ்கோா் செய்து, சச்சின் டெண்டுல்கரின் 2 சாதனைகளை முறியடித்த விராட் கோலியும் அணியில் இணைந்திருக்கிறாா்.

அவா்களோடு, 1 சதத்துடன் 452 ரன்கள் சோ்த்த விக்கெட் கீப்பா் - பேட்டா் கே.எல்.ராகுல், போட்டியிலேயே அதிகமாக 7 ஆட்டங்களில் 24 விக்கெட்டுகள் சாய்த்த முகமது ஷமி, 11 ஆட்டங்களில் 20 விக்கெட்டுகள் எடுத்த ஜஸ்பிரீத் பும்ரா, ஆல்-ரவுண்டராக அசத்திய ரவீந்திர ஜடேஜா ஆகியோா் அதில் இடம் பிடித்துள்ளனா்.

அணி விவரம்: ரோஹித் சா்மா (கேப்டன் - இந்தியா), குவின்டன் டி காக் (தென்னாப்பிரிக்கா), விராட் கோலி (இந்தியா), டேரில் மிட்செல் (நியூஸிலாந்து), கே.எல்.ராகுல் (வி.கீ. - இந்தியா), கிளென் மேக்ஸ்வெல் (ஆஸ்திரேலியா), ரவீந்திர ஜடேஜா (இந்தியா), ஜஸ்பிரீத் பும்ரா (இந்தியா), முகமது ஷமி (இந்தியா), ஆடம் ஜாம்பா (ஆஸ்திரேலியா), தில்ஷன் மதுஷங்கா (இலங்கை). 12-ஆவது வீரா் ஜெரால்டு கோட்ஸீ (தென்னாப்பிரிக்கா).