248 ஒருநாள் போட்டிகளில் விளையாடியுள்ள ரோஹித் சர்மா 241 இன்னிங்ஸில் 30 சதங்கள் 50 அரைசதங்களுடன் 10,000 ரன்களை அடித்துள்ளார். 

ஒருநாள் போட்டிகளில் அதிகபட்ச ரன்கள் அடித்தவரும் ரோஹித் சர்மாதான் (264) என்பது குறிப்பிடத்தக்கது. மேலும் 3 முறை 200+ அடித்து சாதனை புரிந்துள்ளார். 

இதையும் படிக்க:  பாகிஸ்தானுக்கு எதிரான வெற்றியை கொண்டாடிய ஜம்மு-காஷ்மீர் மக்கள்! (விடியோ) 

ஆசியக் கோப்பையில் ரோஹித் நேற்றே அடிக்க இருந்த 22 ரன்களை இன்றைய இலங்கைக்கு எதிரான போட்டியில் அடித்து அசத்தியுள்ளார்.  ரஜிதா வீசிய ஓவரில் சிக்ஸர் அடித்து ரோஹித் சர்மா தனது ஒருநாள் கிரிக்கெட் போட்டிகளில் 10 ஆயிரம் ரன்களை கடந்துள்ளார். தற்போது 51வது அரைசதத்தினை கடந்துள்ளதும் குறிப்பிடத்தக்கது. 

இதையும் படிக்க:  77வது சதமடித்த விராட் கோலி! 

10 ஆயிரம் ரன்களை கடந்த இந்தியர்கள் பட்டியலில் 6வது நபராகவும் உலக அளவில் 15வது நபராகவும் ரோஹித் சர்மா இருப்பது குறிப்பிடத்தக்கது. 

ஒருநாள் போட்டிகளில்​ இந்தியாவில் 10 ஆயிரம் ரன்கள் அடித்தவர்கள் பட்டியல்: 

1. சச்சின் டெண்டுல்கர் - 18,426
2. விராட் கோலி   - 13, 024 
3. சௌரவ் கங்குலி -11, 221
4. ராகுல் திராவிட் - 10,768
5. எம்.எஸ்.தோனி -10, 599 
6. ரோஹித் சர்மா- 10,001