ஐசிசியின் 19 வயதுக்குட்பட்டோருக்கான உலகக் கோப்பைத் தொடர் வருகிற ஜன.19 ஆம் தேதி தென் ஆப்பிரிக்காவில் துவங்குகிறது. இத்தொடரில் 16 சர்வதேச அணிகள் பங்கேற்கின்றனர். நடப்பு சாம்பியனான இந்தியா தன் முதல் ஆட்டத்தில் வங்கதேச அணியைச் சந்திக்கிறது.

இத்தொடரில், அணிகள் 4 குழுக்களாக பிரிக்கப்பட்டு, போட்டிகள் நடத்தப்படும். 23 நாட்களில் 48 போட்டிகள் நடைபெறும்.

இதில், 5 முறை உலகக் கோப்பையை வென்ற இந்திய அணி, மிகவும் வலுவான அணிகளில் ஒன்றாக பார்க்கப்படுகிறது.

இந்நிலையில், இந்த உலகக் கோப்பை தொடரின் போட்டிகளை, ஹாட்ஸ்டார் ஓடிடி தளத்தில் இலவசமாகக் காணலாம் என அறிவிப்பு வெளியாகியுள்ளது.

சமீபத்தில் நடந்த முடிந்த உலகக்கோப்பைப் போட்டியில் இந்தியாவுக்கும் ஆஸ்திரேலியாவுக்குமான இறுதிப்போட்டியில் 7 கோடிக்கும் அதிகமான பார்வைகள் கிடைத்ததால் ஹாட்ஸ்டார் நிறுவனம் வருவாயை ஈட்டியது குறிப்பிடத்தக்கது.