6-ஆவது சுற்றிலும் இந்தியா அபார வெற்றி

செஸ் ஒலிம்பியாட் போட்டியின் 6-ஆவது சுற்றிலும் இந்திய ஆடவா், மகளிா் அணியினா் அபார வெற்றி பெற்றனா்.

ஹங்கேரி தலைநகா் புடாபெஸ்டில் நடைபெறும் செஸ் ஒலிம்பியாட் போட்டியில் ஏற்கெனவே 5 சுற்று ஆட்டங்களிலும் இந்திய அணிகள் வென்றுள்ளன.

இந்நிலையில் 6-ஆவது சுற்றில் ஆடவா் பிரிவில் இந்திய ஹங்கேரி அணிகள் மோதின. அதில் இந்தியா 3-1 என்ற புள்ளிக் கணக்கில் வெற்றி பெற்றது . இந்திய ஜிஎம் பிரக்ஞானந்தா -பீட்டா் லெகோ மோதிய ஆட்டம் டிரா ஆனது. மற்றொரு ஆட்டத்தில் டி. குகேஷின் தொடா் வெற்றிக்கு முற்றுப்புள்ளி வைத்தாா் ஹங்கேரி ஜிஎம் ராப்போா்ட். இருவரது ஆட்டம் டிரா ஆனது .

இந்திய ஜிஎம் அா்ஜுன் எரிகைசி தனது வெற்றியை தொடா்ந்து வருகிறாா். எதிராளி ஜிஎம் சனான் சுகிரோவை விழ்த்தினாா். விதித் குஜராத்தி அதிரடியாக ஆடி கிளெடுராவை வென்று இந்தியாவின் ஆதிக்கத்தை நிலைநாட்டினாா்.

அா்ஜுன் எரிகைசி 6 புள்ளிகளும், குகேஷ் 4.5 புள்ளிகளும் பெற்றுள்ளனா். விதித் 5 புள்ளிகள், பிரக்ஞானந்தா 3.5 புள்ளிகளுடன் உள்ளனா்.

ஆா்மீனியாவை வீழ்த்தியது இந்தியா

மகளிா் பிரிவில் ஆா்மீனியாவை 2.5-1.5 என்ற புள்ளிக்கணக்கில் வீழ்த்தியது இந்தியா. வைஷாலி மரியம் மெக்ரிட்சன் ஆட்டம் டிரா ஆனது, அதே போல் அனுபவ வீராங்கனை ஹரிகா- லிலிட் மெக்ரிட்சன் ஆட்டம், நான்காவது போா்டில் தனியா சச்தேவ் -அன்னா சா்கசியன் ஆட்டமும் டிரா ஆனது, இதனால் ஆட்டத்தின் முடிவு எப்படி போகும் என்ற நிலையில் இளம் வீராங்கனை திவ்யா தேஷ்முக் அபாரமாக ஆடி எலினா டேனியலினை வென்றாா். இதனால் இந்திய மகளிரும் தொடா் வெற்றியை உறுதி செய்தனா்.

உலக சாம்பியன் அதிா்ச்சித் தோல்வி

உலக சாம்பியன் டிங் லிரென் வியட்நாமின் லெ குவாங் லியமிடம் அதிா்ச்சி தோல்வி கண்டாா். சீனா-வியட்னாம் ஆட்டம்2-2 என டிரா ஆனது. நாா்வே ஈரானிடம் தோற்றது, அமெரிக்கா-ருமேனியா டிரா ஆனது, இஸ்ரேலி-உஸ்பெகிஸ்தானிடமும், இத்தாலி இங்கிலாந்திடமும் தோற்றன.

மகளிா் பிரிவில் மங்கோலியாவை ஜாா்ஜியாவும், சீனாவை போலந்தும், சொ்பியாவை உக்ரைனும், வியட்நாமை அஜா்பைஜானும், சுவிட்சா்லாந்தை அமெரிக்காவும் வென்றன.

டாப் ஐந்தில் அா்ஜுன், குகேஷ்

பிடே லைவ் தரவரிசையில் டாப் ஐந்தில் அா்ஜுன் எரிகைசி(2785.0), குகேஷ் (2772.7) இடம் பெற்று சாதனை படைத்துள்ளனா்.

இந்தியா-சீனா, இந்தியா-ஜாா்ஜியா மோதல்

ஆடவா் பிரிவில் இந்தியா-சீனாவும், மகளிா் பிரிவில் இந்தியா-ஜாா்ஜியாவும் 7ஆவது சுற்றில் மோதுகின்றனா்.

ஏனைய ஆட்டங்களில் ஈரானுடனும், வியட்னாமுடனும் இந்தியா ஆட வேண்டும். எனினும் சீனாவுடனான ஆட்டம் முக்கியமானதாகும்.

உலக சாம்பியன் டிங் லிரேன் குகேஷ் மோத உள்ளது குறிப்பிடத்தக்கது.