தென் கொரியா தொடர்ச்சியாக 11-ஆவது முறையாக ஃபிபா உலகக் கோப்பைக்கு தேர்வாகி சாதனை படைத்துள்ளது.

ஏஃப்சி (ஆசிய கால்பந்து கூட்டமைப்பு) சார்பாக இதில் மொத்தம் 47 அணிகள் இருக்கின்றன. இதில் 8 அணிகள் நேரடியாக தேர்வாகும்.

தற்போதைக்கு இதிலிருந்து ஜப்பான், ஜோர்டான், கொரியா ரிபப்ளிக், ஈரான், உஸ்பெகிஸ்தான் என 5 அணிகள் உறுதியாகியுள்ளன.

இராக் உடன் மோதிய தென் கொரியா 2-0 என்ற கோல் கணக்கில் வென்றது. இதில் 76 சதவிகித பந்தினை தென் கொரியா தனது கட்டுப்பாட்டில் வைத்திருந்தது.

கால்பந்து உலகில் ஆசியாவில் இருந்து தொடர்ச்சியாக 11 முறை தகுதிபெற்ற ஒரே அணியாக சாதனை படைத்துள்ளது. அடுத்ததாக ஜப்பான் 8 முறை தேர்வாகியுள்ளது.

3 முறை நாக்-அவுட் சுற்றுக்கு சென்றுள்ள தென் கொரியா 2002-இல் அரையிறுதிக்கும் சென்றது. ஆசியாவிலேயே சிறந்த அணியாக இருக்கிறது.

பிரேசில் அணி மட்டுமே உலகக் கோப்பை தொடங்கிய 1930ஆம் ஆண்டில் இருந்து தகுதிபெற்ற ஒரே அணியாக இருக்கிறது. இருப்பினும், பிரேசில் 2026 உலகக் கோப்பைக்கு தேர்வாகவில்லை என்பது கவனிக்கத்தக்கது.