சித்தராமையாவுக்கு முதல்வர் ஜெயலலிதா வாழ்த்து

கர்நாடக முதல்வராகப் பொறுப்பேற்கவுள்ள சித்தராமையாவுக்கு தமிழக முதல்வர் ஜெயலலிதா வாழ்த்துத் தெரிவித்துள்ளார்.

அண்மையில் நடந்து முடிந்த கர்நாடக சட்டப்பேரவைத் தேர்தலில் காங்கிரஸ் கட்சி ஆட்சியைப் பிடித்துள்ளது. முதல்வராக சித்தராமையா பொறுப்பேற்கவுள்ளார். அவருக்கு முதல்வர் ஜெயலலிதா வாழ்த்து தெரிவித்துள்ளார்.

இது தொடர்பாக அவர் விடுத்துள்ள வாழ்த்துச் செய்தியில், ""கர்நாடக சட்டப்பேரவைத் தேர்தலில் சிறப்பான வெற்றி பெற்றமைக்காக உங்களை வாழ்த்துகிறேன். உங்களின் ஆட்சிக் காலம் வெற்றிகரமானதாக அமைய வாழ்த்துகள்'' எனத் தெரிவித்துள்ளார்.