மனோன்மணீயம் சுந்தரனார் பல்கலைக்கழகத்தில் ஆய்வியல் நிறைஞர் படிப்புக்கு விண்ணப்பிக்கலாம்

திருநெல்வேலி மனோன்மணீயம் சுந்தரனார் பல்கலைக்கழகத்தில் ஆய்வியல் நிறைஞர் (எம் பில்) படிப்புக்கு விண்ணப்பிக்கலாம் என தெரிவிக்கப்பட்டுள்ளது.

இதுதொடர்பாக மனோன்மணீயம் சுந்தரனார் பல்கலைக்கழகத்தின் பதிவாளர் (பொ) டி.தமிழ்செல்வன் வெளியிட்டுள்ள செய்திக்குறிப்பு:

இப் பல்கலைக்கழகத்தில் புதிதாகத் தொடங்கப்பட்டுள்ள விலங்கியல் ஆய்வியல் நிறைஞர் (M.phil Zoology), சுற்றுச்சூழல் அறிவியலில் நிறைஞர்(M.phil Environmental Science) படிப்புகளுக்கான விண்ணப்பங்கள் வரவேற்கப்படுகின்றன. இவற்றுக்கான விண்ணப்பங்களைச் சமர்ப்பிக்க இம் மாதம் 31 ஆம் தேதி கடைசி நாளாகும். விருப்பமுள்ள மாணவர்-மாணவிகள் www.msuniv.ac.in என்ற இணையதளத்தில் விண்ணப்பங்களைப் பதிவிறக்கம் செய்து விண்ணப்பிக்கலாம் என செய்திக்குறிப்பில் குறிப்பிடப்பட்டுள்ளது.