வேதாரண்யம் அருகே மது அருந்தியவர் சாவு5 பேர் மருத்துவமனையில் அனுமதி வேதாரண்யம், ஆக 15: நாகை மாவட்டம்,வேதாரண்யத்தை அடுத்த தலைஞாயிறில் மது அருந்தியதில் ஒவ்வாமை ஏற்பட்டு சனிக்கிழமை ஒருவர் உயிரிழந்தார்.

பாதிப்படைந்த மேலும் 5 பேர் மருத்துவமனையில் அனுமதிக்கப்பட்டுள்ளனர்.  தலைஞாயிறைச் சேர்ந்த கண்ணன் என்பவர் சனிக்கிழமை இறந்தார்.இவரது இறுதிச் சடங்குகள் நடைபெற்றது.  இந்த நிலையில்,இறந்தவர் வீட்டுக்குச் சென்ற சிலர் அந்த பகுதியில் விற்பனை செய்யப்பட்ட மதுவை குடிந்ததாகக் கூறப்படுகிறது.

இதில் மயங்கி விழுந்த 6 பேர்களில் சிங்காரவேலு மகன் நரேந்திரன்(19)மருந்துவமனைக்கு கொண்டுச் செல்லும் வழியில் உயிரிழந்தார். பாதிப்படைந்த மணிவண்ணன்(19),சரவணன்(20),பாலமுருகன்(44),அஜித்குமார்(25),மாரிமுத்து(30)ஆகியோர் நாகை அரசு மருத்துவமனையில் அனுமதிக்கப்பட்டுள்ளனர்.

டாஸ்மாக் கடைக்கு விடுமுறை அளிக்கப்பட்ட நிலையில் விற்கப்பட்ட கள்ளச்சாராயத்தை குடித்ததாதக் கூறப்படுகிறது.