திருநள்ளாறில் பக்தர்களுக்காக கடந்த ஜூலை மாதம் திறக்கப்பட்ட கியூ காம்ப்ளக்ஸ் சனிக்கிழமை முதல் பயன்படுத்த அனுமதிக்கப்படுமென வளாகத்தை ஆய்வு செய்த ஆட்சியர் இ.வல்லவன்  தெரிவித்தார்.

திருநள்ளாறு சனீஸ்வரன் கோயிலில் கட்டப்பட்ட பக்தர்களுக்கான வரிசை வளாகம் (கியூ காம்ப்ளக்ஸ்) கடந்த ஜூலை மாதம் 6-ம் தேதி புதுச்சேரி முதல்வர் என்.ரங்கசாமியால் திறக்கப்பட்டது. எனினும் அது பயன்பாட்டுக்கு விடப்படாமல் இருந்தது.

இந்த நிலையில் இன்று காரைக்கால் மாவட்ட ஆட்சியர் இ.வல்லவன் இவ்வளாகத்தை வெள்ளிக்கிழமை நேரில் சென்று ஆய்வு செய்து, சனிக்கிழமை முதல் வளாகத்தை பயன்பாட்டுக்கு திறக்க அவர் உத்தரவிட்டார்.