சென்னை: சமத்துவமக்கள் தலைவரும் நடிகருமான சரத்துகுமார் இல்லத்தில் இன்று காலை 8.30 மணியளவில் வருமான வரித்துறை அதிகாரிகள் அதிரடியாக சோதனை நடத்தி வருகின்றனர்.

சரத்குமாரின் கொட்டிவாக்கத்தில் உள்ள வீட்டில் தற்போது வருமான வரித்துறை அதிகாரிகள் சோதனை நடத்தி வருகின்றனர்.

ஆர்.கே.நகர் இடைத்தேர்தலில் போட்டியிடும் அதிமுக அம்மா அணி துணை பொதுச் செயலாளர் டி.டி.வி.தினகரனுக்கு, சமத்துவ மக்கள் கட்சித்தலைவர் சரத்குமார் நேற்று நேரில் சென்று ஆதரவு தெரிவித்திருந்த நிலையில் இன்று அவரது இல்லத்தில் வருமான வரித்துறை அதிகாரிகள் சோதனை நடத்தி வருகின்றனர் என்பது குறிப்பிடத்தக்கது.

இதேபோன்று சுகாதாரத்துறை அமைச்சர் விஜயபாஸ்கர் சென்னை வீடு, புதுக்கோட்டை வீடு, கல்லூரிகள் என 30 மேற்பட்ட இடங்களில் இன்று காலை முதல் வருமானவரித்துறை அதிகாரிகள் சோதனை நடத்தி வருகின்றனர் என்பது குறிப்பிடத்தக்கது.

மேலும் ஆர்.கே. நகர் தொகுதி இடைத்தேர்தலில் பணப்பட்டுவாடா தொடர்பான புகார் வந்ததையடுத்து இந்த திடீர் சோதனை நடைபெற்று வருவதாக தகவல்கள் வெளியாகி உள்ளன.