ஆபரணத்தங்கத்தின் விலை சென்னையில் செவ்வாய்க்கிழமை பவுனுக்கு ரூ.56 குறைந்து, ரூ.22,496-க்கு விற்பனையானது.
அமெரிக்க டாலருக்கு நிகரான இந்திய ரூபாயின் மதிப்பு, உலகச்சந்தையில் தங்கத்தின் மதிப்பு நிலவரம், சர்வதேச பொருளாதாரச் சூழல் ஆகியவை தங்கத்தின் விலையில் மாற்றத்துக்கு முக்கியக்காரணிகளாக இருக்கின்றன. சென்னையில் செவ்வாய்க்கிழமை நிலவரப்படி, ஒரு கிராம் ஆபரணத் தங்கம் ரூ.7 குறைந்து, ரூ.2,812-க்கு விற்பனை செய்யப்பட்டது. அதே நேரத்தில், வெள்ளியின் விலை சற்று உயர்ந்துள்ளது. வெள்ளி கிராமுக்கு 20 பைசா உயர்ந்து, ரூ.42.80 ஆகவும், கட்டி வெள்ளி ஒரு கிலோவுக்கு ரூ.200 உயர்ந்து ரூ.42,800 ஆகவும் இருந்தது. 
செவ்வாய்க்கிழமை விலை நிலவரம் (ரூபாயில்- இத்துடன் ஜி.எஸ்.டி. சேர்த்துக் கொள்ளப்படும்)
1 கிராம் தங்கம் 2,812
1 பவுன் தங்கம் 22,496
1 கிராம் வெள்ளி 42.80
1 கிலோ வெள்ளி 42,800