சென்னை: தமிழக அரசியலில் பரபரப்பான சூழ்நிலையில், தமிழக ஆளுநர் வித்யாசாகர் ராவை சந்திக்க திமுக தரப்பில் நேரம் கேட்கப்பட்டுள்ளது.
 
அதிமுக அம்மா அணியின் துணைப் பொதுச் செயலர் டிடிவி தினகரன், தனது ஆதரவு எம்எல்ஏ, எம்பிக்களுடன் ஆளுநர் வித்யாசாகர் ராவை இன்று சந்தித்தார். தமிழக முதல்வர் பதவியில் இருந்து எடப்பாடி பழனிசாமியை மாற்ற வேண்டும் என்று வலியுறுத்தி ஆளுநரிடம் தினகரன் தரப்பில் மனு அளிக்கப்பட்டது.

இந்த நிலையில், தமிழக ஆளுநர் வித்யாசாகர் ராவை வரும் 10 அல்லது 11ம் தேதியில் சந்திக்க நேரம் ஒதுக்குமாறு திமுக செயல் தலைவர் ஸ்டாலின் சார்பில் கோரப்பட்டுள்ளது. 

முதல்வர் எடப்பாடி பழனிசாமி தலைமையிலான அரசுக்கு அளித்து வந்த ஆதரவை மேலும் 3 அதிமுக எம்எல்ஏக்கள் விலக்கிக் கொண்டதாகக் கூறப்படும் நிலையில், ஸ்டாலின், ஆளுநரை சந்திக்க நேரம் கேட்டிருப்பது முக்கியத்துவம் பெறுகிறது.