காற்றாலை மூலம் அதிக மின்சாரம் கிடைப்பதால் தூத்துக்குடி அனல் மின்நிலையத்தில் ஒரு அலகில் மட்டுமே மின் உற்பத்தி நடைபெற்று வருகிறது. நான்கு அலகுகளில் உற்பத்தி நிறுத்தி வைக்கப்பட்டுள்ளது.
தூத்துக்குடி அனல்மின் நிலையத்தில் தலா 210 மெகாவாட் மின் உற்பத்தி திறன் கொண்ட 5 அலகுகள் (யூனிட்) மூலம் தினமும் ஏறத்தாழ 1050 மெகாவாட் வரை மின்சாரம் உற்பத்தி செய்யப்பட்டு வருகிறது. காற்றாலை மூலம் அதிக மின்சாரம் கிடைப்பதால் இங்குள்ள 1, 2, 3 ஆகிய அலகுகளில் மின் உற்பத்தி நிறுத்தி வைக்கப்பட்டிருந்தது. இந்நிலையில், சனிக்கிழமை 5 ஆவது அலகிலும் மின் உற்பத்தி நிறுத்தப்பட்டது.
தற்போது, அனல் மின்நிலையத்தில் 4 ஆவது அலகில் மட்டுமே மின் உற்பத்தி நடைபெற்று வருகிறது. 840 மெகாவாட் வரை மின் உற்பத்தி நிறுத்தி வைக்கப்பட்டுள்ள நிலையில், சனிக்கிழமை இரவு நிலவரப்படி 200 மெகாவாட் மட்டுமே மின்சாரம் உற்பத்தி செய்யப்பட்டு வருகிறது.