சென்னை: வெளி மாவட்டங்களில் இருந்து சென்னைக்கு இயக்கப்படும் ஆம்னி பேருந்து சேவைகள் நிறுத்தப்பட்டுள்ளதாக தகவல்கள் வெளியாகியுள்ளது.

திமுக தலைவரும் முன்னாள் தமிழக முதல்வருமான கருணாநிதி உடல்நலக் குறைவால் காவேரி மருத்துவமனையில் சிகிச்சை பெற்று வருகிறார். அவரது உடல்நிலையானது மிகவும் கவலைக்கிடமாக இருப்பதாக மாலை 04.30 மணியளவில் காவிரி மருத்துவமனை தரப்பில் இருந்து மருத்துவ அறிக்கை வெளியாகியுள்ளது.

அதனைத் தொடர்ந்து சென்னை உள்ளிட்ட மாநிலத்தின் பெரும்பாலான பகுதிகளில் பாதுகாப்பினை போதிய அளவில் பலப்படுத்த டிஜிபி ராஜேந்திரன் உத்தரவிட்டுள்ளார்.

இந்நிலையில் வெளி மாவட்டங்களில் இருந்து சென்னைக்கு இயக்கப்படும் ஆம்னி பேருந்து சேவைகள் நிறுத்தப்பட்டுள்ளதாக தகவல்கள் வெளியாகியுள்ளது.

தூத்துக்குடி, திருநெல்வேலி மற்றும் வள்ளியூர் உள்ளிட்ட பல்வேறு பகுதிகளில் இருந்து சென்னைக்கு இயக்கப்படும் வழக்கமான ஆம்னி பேருந்து சேவைகள் நிறுத்தப்பட்டுள்ளதாக தகவல்கள் வெளியாகியுள்ளது.