சென்னை: மு.க.ஸ்டாலினை விட சேடிஸ்ட் வேறு யாரு இருக்க முடியும்? என்று கேள்வி எழுப்பிய மத்திய இணையமைச்சர் பொன். ராதாகிருஷ்ணன் சீக்கியர்களை கொன்ற காங்கிரஸ் கட்சிக்குதான் ஸ்டாலின் கூறும் சாடிஸ்ட் வார்த்தை பொருந்தும் என்றார். 

சென்னை விமான நிலையத்தில் பொன்.ராதாகிருஷ்ணன் செய்தியாளர்களிடம் பேசுகையில், ராகுல் காந்தியை பிரதமர் வேட்பாளராக ஸ்டாலின் முன்மொழிந்ததால், திமுகவின் 2 ஆம் கட்ட தலைவர்கள் அதிர்ச்சியடைந்தனர். ராகுலை பிரதமர் வேட்பாளராக ஸ்டாலின் முன்மொழிந்தது புலியை பார்த்து பூனை சூடுபோட்டது போன்றது. ராகுலை பிரதமர் வேட்பாளராக ஸ்டாலின் முன்மொழிந்த போது நாராயணசாமியை தவிர வேறு யாரும் கைதட்டவில்லை. 

சிலை திறப்பு விழாவுக்கு அழைத்து கழுத்தறுத்தது போன்று உணருகிறார்கள். கருணாநிதியின் ஆளுமையுடன் ஸ்டாலின் முன்மொழிவை ஒப்பிட முடியாது என்றார்.

மேலும், சேடிஸ்ட் என்று சொல்லக்கூடிய வார்த்தை யாருக்கு பொருந்தும்? மு.க.ஸ்டாலினை விட சேடிஸ்ட் வேறு யாரு இருக்க முடியும்? சீக்கியர்களை கொன்ற காங்கிரசுக்குதான் ஸ்டாலின் கூறும் சேடிஸ்ட் வார்த்தை பொருந்தும்.

மத்தியக்குழு அறிக்கை சமர்ப்பித்த பிறகே, தமிழகத்திற்கு எவ்வளவு நிதி ஒதுக்குவது என்பதை மத்திய அரசு முடிவு செய்யும் என கூறினார் ராதாகிருஷ்ணன்.