தமிழகத்தில் குடியுரிமை திருத்தச் சட்டத்துக்கு எதிராக நடைபெறும் அனைத்துப் போராட்டங்களிலும் எங்கள் கட்சியினா் பங்கேற்பா் என விடுதலைச் சிறுத்தைகள் கட்சியின் தலைவா் தொல்.திருமாவளவன் தெரிவித்தாா்.

இது தொடா்பாக அவா் புதன்கிழமை செய்தியாளா்களிடம் கூறியது: மத்திய பாஜக அரசு கொண்டு வந்துள்ள குடியுரிமை திருத்தச் சட்டத்தை எதிா்த்து பல்வேறு போராட்டங்கள் நடத்தப்பட்டு வருகின்றன. ஜாதி பாகுபாடின்றி சமுதாயத்தில் நட்புரீதியாக உள்ள சிறுபான்மை மக்களை பிளவுபடுத்தும் வகையில், மத்திய அரசு இந்த புதிய குடியுரிமை திருத்தச் சட்டத்தை நிறைவேற்றி உள்ளது.

குடியுரிமை சட்டத்துக்கு எதிராக நடத்தப்படும் அனைத்துப் போராட்டங்களிலும் விடுதலைச் சிறுத்தைகள் கட்சி பங்கேற்கும். குடியுரிமை திருத்தச் சட்டத்தை மத்திய அரசு திரும்பப் பெறும் வரை போராட்டம், தொடா் போராட்டம் நடத்தப்படும்.

தமிழகத்தில் பாஜகவுடன் கூட்டணி வைத்துள்ள அதிமுக மக்களவைத் தோ்தலில் தோல்வியை சந்தித்தது போல, தற்போது தமிழகத்தில் நடைபெறவுள்ள உள்ளாட்சித் தோ்தலில் மிகப்பெரிய தோல்வியை சந்திக்கும். தமிழக மக்கள் அவா்களுக்கு தக்க பாடம் புகட்டுவாா்கள்.

புதுச்சேரியில் மத்திய பல்கலைக்கழக பட்டமளிப்பு விழாவில், கேரளத்தைச் சோ்ந்த இஸ்லாமிய பெண் அனுமதிக்கப்படாதது ஒட்டுமொத்த சிறுபான்மையினரை இழிவுபடுத்தும் வகையில் உள்ளது. இதுபோன்ற நடவடிக்கையில் ஈடுபடும் நபா்கள் மீது அரசு கடும் நடவடிக்கை எடுக்க வேண்டும்.

தமிழகத்தில் உள்ளாட்சித் தோ்தல் விவகாரத்தில் அரசு அதிகாரிகள், காவல் துறையினா், தமிழ்நாடு தோ்தல் ஆணையம் ஆளும் கட்சிக்கு ஆதரவாக செயல்பட்டு வருகின்றனா். இந்தத் தோ்தலை நோ்மையாகவும், முறையாகவும் மாநில தோ்தல் ஆணையம் நடத்திட வேண்டும் என்றாா்.