புதிய சுகாதாரத் துறைச் செயலராக டாக்டர் பீலா ராஜேஷ் திங்கள்கிழமை பொறுப்பேற்றுக் கொண்டார். அவருக்கு சுகாதாரத் துறை அமைச்சர் விஜயபாஸ்கரும், உயரதிகாரிகளும் வாழ்த்து தெரிவித்தனர்.
சென்னை மருத்துவக் கல்லூரியில் எம்பிபிஎஸ் பட்டம் பெற்ற பீலா ராஜேஷ், கடந்த 1997-ஆம் ஆண்டு ஐஏஎஸ் அதிகாரியாக தேர்வானவராவார். செங்கல்பட்டு சார் ஆட்சியராகவும், முதல்வரின் தனிப்பிரிவுக்கான சிறப்பு அதிகாரி உள்பட பல்வேறு பொறுப்புகளை வகித்துள்ளார். சுகாதாரத் துறைச் செயலராக இருந்த ஜெ.ராதாகிருஷ்ணன் போக்குவரத்துத் துறைச் செயலராக மாற்றப்பட்டதைத் தொடர்ந்து, அப்பொறுப்புக்கு பீலா ராஜேஷ் நியமிக்கப்பட்டது குறிப்பிடத்தக்கது.