மக்களவைத் தேர்தலில் தேமுதிக துணைப் பொதுச்செயலாளர் எல்.கே.சுதீஷ் கள்ளக்குறிச்சியல் போட்டியடுகிறார்.
மக்களவைத் தேர்தல் தேதி அறிவிக்கப்பட்ட நிலையில், நீண்ட இழுபறியில் இருந்துவந்த அதிமுக - தேமுதிக கூட்டணி உடன்பாடு இறுதியாக நிறைவேறியது.
அதிமுக கூட்டணியில் தேமுதிக-வுக்கு கள்ளக்குறிச்சி, திருச்சி, சென்னை (வடக்கு), விருதுநகர் ஆகிய 4 தொகுதிகள் ஒதுக்கப்பட்டன. மக்களவைத் தேர்தலோடு தமிழகத்தில் காலியாக உள்ள 18 சட்டப்பேரவைத் தொகுதி இடைத் தேர்தலில் அதிமுக வேட்பாளர்களுக்கு ஆதரவளிக்கவும் தேமுதிக ஒப்புக்கொண்டுள்ளது.
இந்நிலையில், தேமுதிக வேட்பாளர் பட்டியல் திங்கள்கிழமை வெளியிடப்பட்டது. அதன் விவரம் பின்வருமாறு:
கள்ளக்குறிச்சி - தேமுதிக துணைப் பொதுச்செயலாளர் எல்.கே.சுதீஷ்
திருச்சி - தேமுதிக அவைத் தலைவர் டாக்டர். இளங்கோவன்
சென்னை (வடக்கு) - அழகாபுரம் மோகன்ராஜ்
விருதுநகர் - ஆர்.அழகர்சாமி