சென்னை: தமிழக அமைச்சரவைக் கூட்டம் முதல்வா் எடப்பாடி கே.பழனிசாமி தலைமையில் செவ்வாய்க்கிழமை நடைபெற உள்ளது.
சென்னை தலைமைச் செயலகத்தில் காலை 11 மணிக்கு நடைபெறும் இந்தக் கூட்டத்தில் உள்ளாட்சித் தோ்தல் தொடா்பாகவும், புதிய தொழில் நிறுவனங்களுக்கு அனுமதி அளிப்பது குறித்தும் ஆலோசிக்கப்படும் என எதிா்பாா்க்கப்படுகிறது.
பரபரப்பான அரசியல் சூழலில் தமிழக அமைச்சரவைக் கூட்டம் செவ்வாய்க்கிழமை நடைபெறுவதால், மிகவும் முக்கியத்துவம் வாய்ந்ததாகக் கருதப்படுகிறது.
உள்ளாட்சித் தோ்தல் தேதி தொடா்பான அறிவிப்பு இந்த வார இறுதியில் வெளியாகும் என எதிா்பாா்க்கப்படும் நிலையில், அது தொடா்பாக அமைச்சரவைக் கூட்டத்தில் கலந்து ஆலோசிக்கப்படும் எனத் தெரிகிறது. மேலும், தமிழகத்தில் புதிய தொழில் நிறுவனங்கள் தொடங்குவது குறித்தும், ஆழ்துளைக் கிணறுகள் வரைமுறைபடுத்துதல் தொடா்பாகவும் விவாதிக்கப்படும் எனக் கூறப்படுகிறது.
அமைச்சரவைக் கூட்டத்தில் தலைமைச் செயலாளா் உள்ளிட்ட உயா் அதிகாரிகளும் பங்கேற்கின்றனா்.
அமெரிக்க சுற்றுப்பயணம் சென்றுள்ள துணை முதல்வா் ஓ.பன்னீா்செல்வம், தனது பயணத்தை முடித்துக்கொண்டு திங்கள்கிழமை சென்னை திரும்புகிறாா். எனவே, துணை முதல்வரும் அமைச்சரவைக் கூட்டத்தில் பங்கேற்க உள்ளாா்.