சென்னை: நவராத்திரி மற்றும் ஆயுதபூஜை விடுமுறையைக் கொண்டாட மகாபலிபுரத்துக்கு சுற்றுலா செல்ல திட்டமிட்டிருப்பவர்களின் கவனத்துக்கு..

காஞ்சிபுரம் மாவட்டம் மாமல்லபுரத்தில் பிரதமர் நரேந்திர மோடியும், சீன அதிபரும் சந்தித்துப் பேசும் நிகழ்ச்சி அக்டோபர் 11ம் தேதி நடைபெற உள்ளது. இந்தியா- சீனா இடையிலான நல்லுறவு மற்றும் வா்த்தக உறவு உள்ளிட்ட பல்வேறு அம்சங்கள் குறித்து கலந்துரையாட இந்திய பிரதமா் நரேந்திர மோடி மற்றும் சீன அதிபா் ஜீ ஜின்பிங் ஆகியோா் மாமல்லபுரம் வரவுள்ளனா். மாமல்லபுரத்தில் உள்ள நட்சத்திர விடுதி ஒன்றில் வரும் அக்டோபா் 11-ஆம் தேதி முதல் அக்டோபா் 13-ஆம் தேதி வரை இருவரும் தங்கி இரு நாடுகளிடையிலான பல்வேறு பிரச்னைகள் குறித்து விவாதிக்க உள்ளனா்.

இதற்கான முன்னேற்பாடுகள் மாமல்லபுரத்தில் கடந்த இரண்டு வாரங்களுக்கும் மேலாக நடைபெற்று வருகிறது. முன்னேற்பாடு பணிகளை முதல்வர் பழனிசாமி, முக்கிய அமைச்சர்களுடன் சென்று நேரில் பார்வையிட்டு ஆய்வு செய்தார்.

இந்த நிலையில், அக்டோபர் 11, 12, 13ம் தேதிகளில் இரு நாட்டுத் தலைவர்களின் சந்திப்பு நடைபெறும் என்பதால் இந்த நாட்களில் மாமல்லபுரத்துக்கு சுற்றுலாப் பயணிகள் வருகை தர தடை விதிக்கப்பட்டுள்ளதாகத் தெரிவிக்கப்பட்டுள்ளது.