கரோனா கட்டுப்பாடுகளை மக்கள் அனைவரும் தவறாமல் கடைப்பிடிக்க வேண்டும் என நடிகர் ரஜினிகாந்த் தெரிவித்துள்ளார். 

வெளிநாடுகளில் வாழும் தமிழக மக்களுக்கு இந்த புதிய ஆண்டு ஒரு இனிதான ஆண்டாக அமைய வேண்டும் என்று இறைவனிடம் வேண்டிக்கொள்கிறேன். கரோனா வைரஸால் முழு உலகமே பாதிக்கப்பட்டுள்ளது. இதற்கு இந்தியாவோ தமிழ்நாடோ விதிவிலக்கல்ல.

உங்களை பிரிந்து வாழும் உங்கள் உறவினர், உங்கள் குடும்பத்தினருக்கு சதா நேரமும் உங்களை பற்றிதான் சிந்தனை. உங்களை பற்றிதான் கவலை. நீங்கள் எந்த நாட்டில் வசிக்கிறீர்களோ, அந்த நாட்டு அரசு என்ன கட்டுப்பாடுகள் விதிக்கிறார்களோ, அதை நீங்கள் தவறாமல் கடைப்பிடித்து உங்களை நீங்கள் காத்துக்கொள்ளுங்கள்.

இதுதான் உங்கள் குடும்பத்தாருக்கும் உறவினர்களுக்கும் நீங்கள் கொடுக்கும் இந்த ஆண்டின் மிகப் பெரிய பரிசு. நலமுடன் வாழுங்கள். கவலைப்படாதீங்க. இதுவும் கடந்து போகும். இவ்வாறு வீடியோவில் ரஜினிகாந்த் தெரிவித்துள்ளார்.