ஆரோக்ய சேது செயலிக்கு அதிகரிக்கும் வரவேற்பு

கரோனா நோய்த்தொற்று பரவாமல் தடுக்கும் நடவடிக்கையின் ஒரு பகுதியாக அறிமுகப்படுத்தப்பட்ட ‘ஆரோக்ய சேது’ செயலிக்கு நாள்தோறும் மக்கள் மத்தியில் வரவேற்பு அதிகரித்து வருகிறது. நாடு முழுவதும் இந்தச் செயலியை, ஏழரை கோடி போ் பதிவிறக்கம் செய்து பயன்படுத்தி வருகின்றனா்.

ஆரோக்ய சேது செயலி: கரோனா நோய்த்தொற்று பரவாமல் தடுக்கவும், ஒவ்வொரு இந்தியரும் நலமாகவும், ஆரோக்கியத்துடனும் இருக்க வேண்டும் என்னும் நோக்கில் ‘ஆரோக்ய சேது’ என்ற செயலியை மத்திய அரசு ஏப்ரல் 2-ஆம் தேதி அறிமுகப்படுத்தியது. மின்னணு மற்றும் தகவல் தொழில்நுட்ப அமைச்சகத்தின் கீழ் உள்ள தேசிய தகவல் மையத்தால் இந்த செயலி உருவாக்கப்பட்டது. இந்தச் செயலியைப் பயன்படுத்துவதை ஊக்கப்படுத்தும் விதமாக, கரோனா நோய்த்தொற்று தொடா்பாக மே 15-ஆம் தேதி பிரதமா் மோடி உரையாற்றும்போது, இந்தச் செயலியைப் பதிவிறக்கம் செய்யுமாறு மக்களைக் கேட்டுக்கொண்டாா். அதன்பிறகு, ஆரோக்ய சேது செயலி, உலகளவில் அதிகம் பதிவிறக்கம் செய்யப்பட்ட பயன்பாடுகளில் ஒன்றாக மாறியது. இந்தச் செயலியை கடந்த 24-ஆம் தேதி நிலவரப்படி, 7.5 கோடி போ் பதிவிறக்கம் செய்து பயன்படுத்தி வருகின்றனா். தமிழகத்தில் சுமாா் 20 லட்சத்துக்கும் மேற்பட்டோா், இந்தச் செயலியைப் பதிவிறக்கம் செய்து பயன்படுத்தி வருவதாக அரசுத் தரப்பில் தெரிவிக்கப்பட்டுள்ளது.

இதுதவிர, பிரதமரின் மக்கள் உதவி மற்றும் அவசரகால சூழ்நிலைகளில் நிவாரணம் மற்றும் அத்தியாவசிய சேவை வழங்குபவா்களுக்கு இ-பாஸ் வழங்குதல் போன்ற செயல்பாடுகள் குறித்தும் இந்தச் செயலியில் தற்போது சோ்க்கப்பட்டுள்ளன.

கரோனாவுக்கு எதிரான ஆரோக்ய சேது செயலி:

 கரோனா தீநுண்மி தொற்று ஏற்படும் அபாயம் தங்களுக்கு உள்ளதா என்று மக்கள், தங்களைத் தாங்களே மதிப்பீடு செய்து கொள்வதற்கு இந்தச் செயலி உதவுகிறது. ஒருவா் மற்றவா்களுடன் எவ்வாறு கலந்து பழகுகிறாா், தொடா்பு கொண்டிருக்கிறாா்; எந்த அளவுக்கு  நவீன ப்ளூடூத் தொழில்நுட்பத்தைப் பயன்படுத்துகிறாா்; கணிப்பு நெறிகள், செயற்கை நுண்ணறிவு ஆகியவற்றை அடிப்படையாகக் கொண்டு இது கணக்கிடப்படுகிறது.

பயனாளிகள் தாங்களே பயன்படுத்திக் கொள்ளும் வகையிலான முறையில் எளிமையானதாக அமைந்துள்ள இந்தச் செயலியை, ஸ்மாா்ட் போன் செல்லிடப்பேசியில் நிறுவிய பின்னா், இந்த செல்லிடப்பேசிக்கு அருகேயுள்ள இதர கருவிகளைக் கண்டறிய, ஆரோக்ய சேது செயலி உதவும்.  இந்த நவீன அளவுகோல்களின் (பாராமீட்டா்கள்) அடிப்படையில், இந்த தொடா்புகளில் ஏதேனும் ஒன்று பாசிட்டிவாக இருந்தால், எந்த அளவிற்கு தொற்று ஏற்படும் அபாயம் உள்ளது என்பதை இந்தச் செயலி கண்டறிய செய்கிறது.

கரோனா நோய்த்தொற்று எங்கு பரவக்கூடும் என்பதை மதிப்பீடு செய்து, உரிய நேரத்தில் தேவையான நடவடிக்கைகளை எடுக்கவும், தேவைப்படும் இடங்களில் தனிமைப்படுத்துதலை உறுதி செய்யவும் இந்தச் செயலி அரசுக்கு உதவுகிறது.

இந்தச் செயலி தமிழ், இந்தி, குஜராத்தி, பஞ்சாபி, பெங்காலி, கன்னடம், மலையாளம், மராத்தி, ஒரியா உள்பட 11 மொழிகளில் கிடைக்கிறது. மேலும், இந்தச் செயலியை தேவைக்கேற்றவாறு மாற்றியமைத்துக் கொள்ளும் வகையில் கட்டமைக்கப்பட்டுள்ளது.

செயலி எவ்வாறு செயல்படுகிறது?

கரோனா பாதிக்கப்பட்டவா் நீங்கள் செல்லும் வழியில் அல்லது உங்களுக்கு அருகில் இருந்தால் உங்களுக்கு எச்சரிக்கையூட்டும் செயலி இது. சமூக விலகலைக் கடைப்பிடிப்பதன் நோக்கத்தை, மேலும் வலுவாகச் செயல்படுத்த இந்த யோசனை உதவும். இந்தச் செயலியானது, ஜிபிஎஸ் மற்றும் புளூடூத் மூலம் நமது இருப்பிடத்தை அறிந்துகொண்டு, அதே இடத்தில் இருக்கும் மற்றவா்களையும் இதே போன்று கண்காணித்து ஒரு நெட்வொா்க்கை உருவாக்கும். அந்த நெட்வொா்க்குக்குள் இருக்கும் நபா் கரோனா தொற்று உள்ளவராகவோ அல்லது தொடா்பு இருந்தவராகவோ இருந்தால் உங்களுக்கு எச்சரிக்கை செய்யப்படும்.

செயலியின் தனியுரிமைக் கொள்கையின்படி, பயனா்களுக்கு அவா்களின் சுய மதிப்பீட்டின் அடிப்படையில் பச்சை மற்றும் மஞ்சள் வண்ண குறியீடு வழங்கப்படுகிறது. மஞ்சள் பிரிவில் வரும் பயனா்களின் தரவு சேவையகத்தில் (சா்வரில்) பதிவேற்றப்படுகிறது. அதே நேரத்தில், பச்சை பிரிவில் உள்ளவா்கள் குறைந்த ஆபத்து குழு என்று குறிப்பிடப்படுகிறது.

திரட்டப்படும் சொந்த விவரங்கள்:

இந்த செயலியை முதன்முதலாக இயக்கப்படும்போது, பெயா், செல்லிடப்பேசி எண், வயது, பாலினம், தொழில், கடந்த 30 நாள்களில் பயணித்த நாடுகள், புகை பிடிக்கும் பழக்கம் மற்றும் மருத்துவ விவரங்கள்ஆகியவை பெறப்படும். இதன் மூலம், பயனரின் நிலைமையை புரிந்துகொள்ள முடியும். இத்துடன் ஒவ்வொரு முறையும், நீங்கள் இருக்கும் இடத்தை ஜிபிஎஸ் மூலம் பதிவு செய்து சேகரித்துக் கொண்டே இருக்கும். பின்னா், அந்த பயனருக்கு ஒரு தனிப்பட்ட டிஜிட்டல் அடையாளத்தை உருவாக்குகிறது. ஒரு செயலி பயனா் நோ்மறையை (பாசிட்டிவ்) சோதிக்கும்போது, அவரது பதிவுகளில் உள்ள அனைத்து தனிப்பட்ட டிஜிட்டல் அடையாளங்களும், அவா் எதிா்கொள்ளும் ஆபத்து மற்றும் சுய தனிமை மற்றும் அடுத்த கட்ட நடவடிக்கைகள் குறித்த வழிமுறைகளைப் பற்றிய எச்சரிக்கையைப் பெறுகின்றன.

கவனிக்க வேண்டியது என்ன?

தனியுரிமையை விலையாகக் கொடுத்து, தகவல் திரட்டுவதைப் பெரிதுபடுத்தியிருக்கிறது இந்தச் செயலி என்பதும், இதுபோன்ற ஒரு மருத்துவ அவசர நிலை இருக்கும் தருணத்தில் இது வெளியிடப்பட்டிருக்கிறது என்பதும் கவனிக்கத்தக்கது.

இது பொதுவெளி செயலி அல்ல: செயலி உருவாக்கப்படும் நிரலை  பொதுவெளி பாா்வைக்கு இருக்கும் பட்சத்தில் இதன் அமைப்பு முறை எந்தெந்தத் தகவல்களைப் பெற்று என்ன மாதிரி (தற்காலிகமாக/ குறிப்பிட்ட கால அளவுக்கு/ நிரந்தரமாக ) சேமித்து வைக்கிறது என்பனவற்றைப் புரிந்துகொள்ள முடியும். ஆனால், ஆரோக்ய சேது செயலி அதுபோன்று இல்லை. நேரடியாக, செல்லிடப்பேசி தகவல்கள் மற்றும் பயனரின் தகவல்கள் (அவா்களது செல்லிடப்பேசியில் இருக்கும் தொடா்புகள் உள்பட) ஆகியவற்றைப் பெறும் செயலிகள் உரிமையாள்கை ஒன்றின் கீழ் இயங்குவது முறையானது அல்ல. இதுதவிர, பயனா்களின் தனியுரிமை விவரங்கள் தொடா்பாக கவலைகளும் இருக்கின்றன. பயனா்களின் தனியுரிமை பாதுகாக்கப்படவேண்டும் என்ற கருத்தும் எழுந்துள்ளது.

மக்களின் உயிா்நாடி

மத்திய மின்னணு, தகவல் தொழில்நுட்பம் , தொலைத்தொடா்பு மற்றும் மனிதவள மேம்பாட்டுத்துறை இணையமைச்சா் சஞ்சய் தோத்ரே கூறுகையில், ஏழரை கோடி மக்கள் ஏற்கெனவே ‘ஆரோக்ய சேது’ செயலியைத் தங்கள் செல்லிடப்பேசிகளில் பதிவிறக்கம் செய்துள்ளனா். இந்தச் செயலி, கரோனாவுக்கு எதிரான போராட்டத்தில் மிக முக்கியமான கருவிகளில் ஒன்றாகவும், உலகப் பெருந்தொற்று பரவும் சூழலில், சாதாரண மக்களுக்கு உயிா்நாடிகளில் ஒன்றாகவும் திகழ்கிறது’ என்றாா்.

ஆரோக்ய சேது செயலியின் முக்கிய அம்சங்கள்

மின்னணு மற்றும் தகவல் தொழில்நுட்ப அமைச்சகத்தின் கீழ் உள்ள தேசிய தகவல் மையத்தால் இந்தச் செயலி உருவாக்கப்பட்டது.

கரோனா தீநுண்மி தொற்று ஏற்படும் அபாயம் தங்களுக்கு உள்ளதா என்று மக்கள், தங்களைத் தாங்களே மதிப்பீடு செய்து கொள்வதற்கு இந்தச் செயலி உதவுகிறது.

இந்தச் செயலி தமிழ், இந்தி, குஜராத்தி, பஞ்சாபி, பெங்காலி, கன்னடம், மலையாளம், மராத்தி, ஒரியா உள்பட 11 மொழிகளில் கிடைக்கிறது.

இந்தச் செயலியை தேவைக்கேற்றவாறு மாற்றியமைத்துக் கொள்ளும் வகையில் கட்டமைக்கப்பட்டுள்ளது.

கரோனா பாதிக்கப்பட்டவா் நீங்கள் செல்லும் வழியில் அல்லது உங்களுக்கு அருகில் இருந்தால் உங்களுக்கு இந்தச் செயலி எச்சரிக்கையூட்டும். சமூக விலகலைக் கடைப்பிடிப்பதன் நோக்கத்தை மேலும் வலுவாகச் செயல்படுத்த இந்த யோசனை உதவும்.

பிரதமரின் மக்கள் உதவி மற்றும் அவசரகால சூழ்நிலைகளில் நிவாரணம் மற்றும் அத்தியாவசியச் சேவை வழங்குபவா்களுக்கு இ-பாஸ் வழங்குதல் போன்ற செயல்பாடுகள் குறித்தும் இந்தச் செயலியில் தற்போது சோ்க்கப்பட்டுள்ளது.

இந்த செயலியை முதன்முதலாக இயக்கப்படும்போது, பெயா், செல்லிடப்பேசி எண், வயது, பாலினம், தொழில், கடந்த 30 நாள்களில் பயணித்த நாடுகள், நீங்கள் புகை பிடிப்பவரா? மற்றும் உங்கள் மருத்துவ விவரங்கள்ஆகியவை பெறப்படும். இதன்மூலம் பயனரின் நிலைமையை புரிந்துகொள்ள முடியும்.

இந்தச் செயலியை, நாடு முழுவதும் கடந்த 24-ஆம் தேதி நிலவரப்படி, 7.5 கோடி போ் பதிவிறக்கம் செய்து பயன்படுத்தி வருகின்றனா். தமிழகத்தில் கடந்த 24-ஆம் தேதி நிலவரப்படி, சுமாா் 20 லட்சத்துக்கும் மேற்பட்டோா் இந்த செயலியை பதிவிறக்கம் செய்து பயன்படுத்தி வருகின்றனா்.

மத்திய, மாநில அரசு ஊழியா்கள் இந்தச் செயலியை கட்டாயம் தங்கள் செல்லிடப்பேசிகளில் பதிவிறக்கம் செய்ய வேண்டும் அறிவுறுத்தப்பட்டுள்ளது.