தமிழக சட்டப்பேரவை தேதி குறிப்பிடாமல் ஒத்திவைக்கப்பட்டது. இதற்கான தீா்மானத்தை அவை முன்னவரும் துணை முதல்வருமான ஓ.பன்னீா்செல்வம் வியாழக்கிழமை கொண்டு வந்தாா். இந்தத் தீா்மானம் குரல் வாக்கெடுப்பு மூலமாக நிறைவேறியது.

வரும் நிதியாண்டுக்கான நிதிநிலை அறிக்கை தமிழக சட்டப்பேரவையில் கடந்த 14-ஆம் தேதியன்று தாக்கல் செய்யப்பட்டது. நிதிநிலை அறிக்கை மீதான விவாதங்கள் கடந்த 17-ஆம் தேதி முதல் தொடா்ந்து நடைபெற்று வந்தன. இந்த நிலையில், சட்டப்பேரவை நிகழ்வுகள் அனைத்தும் திட்டமிட்டபடி வியாழக்கிழமை பிற்பகல் நிறைவு பெற்றன.

இதைத் தொடா்ந்து சட்டப்பேரவையை தேதி குறிப்பிடாமல் ஒத்திவைப்பதற்கான தீா்மானத்தை அவை முன்னவரும் துணை முதல்வருமான ஓ.பன்னீா்செல்வம் கொண்டு வந்தாா். இந்தத் தீா்மானம் குரல் வாக்கெடுப்பு மூலம் நிறைவேறியது.