திமுக பொதுச் செயலாளா் க.அன்பழகன் மருத்துவா்களின் தொடா் கண்காணிப்பில் இருந்து வருகிறாா்.

சென்னை கீழ்ப்பாக்கம் ஆஸ்பிரான் தோட்டம் இல்லத்தில் இருந்தபோது உடல்நலப் பாதிப்பு அதிகமாகி, பிப்ரவரி 24-ஆம் தேதி ஆயிரம்விளக்கில் உள்ள அப்பல்லோ மருத்துவமனையில் சோ்க்கப்பட்டாா். மருத்துவா்கள் தொடா்ந்து அவருக்குச் சிகிச்சை அளித்து வருகின்றனா். அவருக்கு இருந்த சிறுநீரகத் தொற்று கட்டுப்படுத்தப்பட்டுள்ளதாகவும், நிமோனியா காய்ச்சலைக் குறைப்பதற்கு மருத்துவா்கள் முயற்சித்து வருவதாகவும் மருத்துவமனை தரப்பில் கூறப்பட்டது.

அன்புமணி நலம்விசாரிப்பு: பாமக இளைஞரணித் தலைவா் அன்புமணி ராமதாஸ் அப்பல்லோ மருத்துவமனைக்கு சனிக்கிழமை நேரில் சென்று க.அன்பழகனின் உடல்நலம் குறித்து விசாரித்தறிந்தாா். பாமக தலைவா் ஜி.கே.மணியும் உடன் சென்றிருந்தாா்.