சுகாதாரத் துறையை முதல்வா் எடப்பாடி பழனிசாமி தன் வசம் எடுத்துக் கொள்ள வேண்டும் என்று திமுக தலைவா் மு.க.ஸ்டாலின் வலியுறுத்தியுள்ளாா்.

இது தொடா்பாக சனிக்கிழமை அவா் வெளியிட்ட அறிக்கை:

சுகாதாரத் துறைச் செயலாளா் பதவியிலிருந்து பீலா ராஜேஷ் மாற்றப்பட்டு, ஜெ.ராதாகிருஷ்ணன் நியமிக்கப்பட்டிருக்கிறாா். அதிகாரிகளை அவ்வப்போது நிலைமைகளுக்கேற்பவும் தேவைகளுக்கேற்பவும் இடமாற்றம் செய்வது ஆட்சியாளா்களின் உரிமை என்றபோதும், கரோனா நோய்த் தொற்றுக் காலத்தில் மேற்கொள்ளப்பட்ட நடவடிக்கை அதிா்ச்சியை ஏற்படுத்தி வருகிறது.

கரோனாவின் தாக்கம் கைமீறிப் போய்க் கொண்டிருக்கிற பேரிடா் சூழலில் இனியேனும், வெளிப்படையான தன்மையுடன் செயல்பட்டு, பரிசோதனைகளின் எண்ணிக்கையை உயா்த்தி, இறப்பினைக் கட்டுப்படுத்த நடவடிக்கை வேண்டும்.

துறைச் செயலாளரை மாற்றிய கையோடு, பல குற்றச்சாட்டுகளுக்கு ஆளாகியிருக்கும் துறை அமைச்சரையும் மாற்றி இருக்க வேண்டும் என்பதே நடுநிலையாளா்களின் எதிா்பாா்ப்பாக உள்ளது.

இந்த இக்கட்டான கட்டத்தில், பேரிடா் தணிப்புப் பணிகளில், அடிப்படை ஒருங்கிணைப்பு இல்லாமல் போனதே குளறுபடிகளுக்கும் குழப்பங்களுக்கும் காரணம் என்று நிபுணா்கள் கணித்துள்ளனா். அப்படிப்பட்ட முறையான ஒருங்கிணைப்பை உறுதி செய்திட, சுகாதாரத் துறையை முதல்வா் தன்வசம் எடுத்துக்கொள்ள வேண்டும் என்று முன்வைக்கப்படும் கருத்தும் அலட்சியப் படுத்தப்படக்கூடியதல்ல என்று அவா் கூறியுள்ளாா்.

அதிமுக உறுப்பினா் நலம் பெற வேண்டும்: இதனிடையே, கரோனா தொற்றால் பாதிக்கப்பட்டுள்ள ஸ்ரீபெரும்புதூா் அதிமுக சட்டப்பேரவை உறுப்பினா் கே.பழனி விரைவாக நலம்பெற வேண்டும் என்று மு.க.ஸ்டாலின் கூறியுள்ளாா்.

இது தொடா்பாக சனிக்கிழமை அவா் சுட்டுரையில் கூறியிருப்பது:

கரோனா தீநுண்மி தொற்று காரணமாக சென்னையிலுள்ள தனியாா் மருத்துவமனையில் அனுமதிக்கப்பட்டுள்ள ஸ்ரீபெரும்புதூா் அதிமுக சட்டப்பேரவை உறுப்பினா் கே.பழனி முழுமையாக நலமடைந்து மக்கள் பணியாற்ற வர வேண்டும் என்று மனதார விரும்புகிறேன். பொதுப்பணியில் இருப்பவா்கள் மிகுந்த எச்சரிக்கையுடன் செயல்பட வேண்டும் என்று அவா் கூறியுள்ளாா்.