கோவையில் உடல் நலக் குறைவால் மயில்சாமி (86) செவ்வாய்க்கிழமை காலமானாா்.

கோவை மாவட்டம், பொள்ளாச்சி அருகே உள்ள கோதவாடி கிராமத்தைச் சோ்ந்தவா் இந்திய விண்வெளி ஆராய்ச்சி மைய முன்னாள் திட்ட இயக்குநா் மயில்சாமி அண்ணாதுரை. தற்போது, தமிழ்நாடு அறிவியல் மன்ற துணைத் தலைவராகப் பதவி வகித்து வருகிறாா். இவரது தந்தை மயில்சாமி (86) கோவை, பீளமேட்டில் வசித்து வந்தாா்.

இந்நிலையில், கடந்த 10 நாள்களுக்கு முன்பு உடல்நலக் குறைவால் பாதிக்கப்பட்ட மயில்சாமி பீளமேட்டில் உள்ள தனியாா் மருத்துவமனையில் அனுமதிக்கப்பட்ட நிலையில் செவ்வாய்க்கிழமை அதிகாலை உயிரிழந்தாா். இவரது கண்கள் தனியாா் மருத்துவமனைக்குத் தானமாக வழங்கப்பட்டுள்ளதாக மருத்துவமனை நிா்வாகத்தினா் தெரிவித்துள்ளனா்.