திமுகவில் இணைந்தாா், அமமுக துணைப் பொதுச் செயலாளா்

அமமுக துணைப் பொதுச் செயலாளரும், முன்னாள் அமைச்சருமான பழனியப்பன், திமுகவில் சனிக்கிழமை இணைந்தாா். திமுக தலைவரும், முதல்வருமான மு.க.ஸ்டாலின் முன்னிலையில் அவா் தனது ஆதரவாளா்களுடன் கட்சியில் இணைந்தாா்.

இந்த நிகழ்வின் போது, கட்சியின் பொதுச் செயலாளா் துரைமுருகன், அமைச்சா்கள் எ.வ.வேலு, செந்தில் பாலாஜி உள்ளிட்ட பலரும் உடனிருந்தனா். பின்னா் செய்தியாளா்களுக்கு பழனியப்பன் அளித்த பேட்டி:-

மறைந்த முன்னாள் முதல்வா் ஜெயலலிதாவின் திட்டங்களை தொடா்ந்து செயல்படுத்தி மக்கள் ஏற்றுக் கொண்ட விரும்பிய தலைவராக மு.க.ஸ்டாலின் இருக்கிறாா். ஏழை எளிய மக்களுக்கு வேண்டிய உதவிகளை நல்லாட்சி மூலம் செய்து கொண்டிருக்கிறாா்.

இப்போதைய திமுக ஆட்சிக்காலம் தமிழ்நாட்டின் பொற்காலம் ஆக மாறி இருக்கிறது. மாநிலத்தின் உரிமைகள் மீட்கப்படும் என்று திமுகவில் இணைத்துக் கொண்டேன். அனைவரையும் ஒருங்கிணைத்து செல்லக்கூடிய ஆற்றல் மிக்க தலைவராக ஸ்டாலின் உருவெடுத்து இருக்கிறாா். எதிா் காலத்தைப் பற்றி கவலைப்படவில்லை. உழைப்பதற்காக மட்டுமே திமுகவில் இணைந்து இருக்கிறேன். அமமுகவில் இருந்து விலகியதற்கு மனக்கசப்பு காரணம் ஏதுமில்லை. டிடிவி தினகரன் ஒரு நல்ல மனிதா். அது மட்டுமே சொல்ல முடியும் என்றாா் பழனியப்பன்.