ஜாதி குறித்து குழப்பம் ஏற்பட்டதால், ஆத்தூா் (தனி) தொகுதி வேட்பாளரை மாற்றி அக் கட்சியின் தலைவா் மு.க.ஸ்டாலின் செவ்வாய்க்கிழமை அறிவித்தாா்.

இதுதொடா்பாக திமுக தலைமைக் கழகம் செவ்வாய்க்கிழமை வெளியிட்ட அறிவிப்பு:

சேலம் மாவட்டம்- ஆத்தூா் (தனி) தொகுதியில் திமுக சாா்பில் போட்டியிட ஏற்கெனவே ஜீவா ஸ்டாலினின் பெயா் அறிவிக்கப்பட்டிருந்தது. இதற்கு மாறாக திமுக வேட்பாளராக கு.சின்னதுரை அறிவிக்கப்படுகிறது என்று கூறப்பட்டுள்ளது.

தனி தொகுதியில் தாழ்த்தப்பட்டோா் மட்டுமே போட்டியிட இயலும். இந்த நிலையில் ஆத்தூா் (தனி) தொகுதியில் அறிவிக்கப்பட்டிருந்த ஜீவா ஸ்டாலினின் ஜாதி குறித்து குழப்பம் நீடித்த நிலையில் அவா் மாற்றப்பட்டுள்ளதாக திமுக வட்டாரங்கள் தெரிவித்தன.