கரோனாவுக்கு அருண்ராஜா காமராஜின் மனைவி காலமானார் 

கரோனா தொற்றால் இயக்குநரும், நடிகருமான அருண்ராஜா காமராஜின் மனைவி காலமானார்.  

அருண்ராஜா காமராஜின் மனைவி சிந்துஜா(38). இவருக்கு கடந்த சில தினங்களுக்கு முன்பு கரோனா தொற்று உறுதி செய்யப்பட்டது. இதையடுத்து அவர் சென்னையில் உள்ள தனியார் மருத்துவமனையில் சிகிச்சை பெற்று வந்தார். 

ஆனால் சிகிச்சை பலனின்றி நேற்று நள்ளிரவில் அவர் காலமானார். அருண்காமராஜின் மனைவி சிந்துஜா மறைவுக்கு திரையுலகினர் பலரும் இணையதளங்களில் இரங்கல் தெரிவித்து வருகின்றனர். 

இதனிடையே அருண்ராஜா காமராஜூக்கும் கரோனா தொற்று கண்டறியப்பட்டுள்ளதாக கூறப்படுகிறது. 2013ஆம் ஆண்டு ‘ராஜா ராணி’ படத்தின் மூலம் நடிகராக அறிமுகமானவர் அருண்ராஜா காமராஜ் என்பது குறிப்பிடத்தக்கது.