பொதுமுடக்கத்தை விடுமுறைக் காலமாக நினைப்பதா?: முதல்வா் மு.க.ஸ்டாலின் வேதனை

பொதுமுடக்கக் காலத்தை விடுமுறைக் காலமாக மக்கள் நினைப்பதாகவும், கரோனா குறித்த பயம் செயலில் தெரிய வேண்டுமெனவும் முதல்வா் மு.க.ஸ்டாலின் பேசினாா்.

கரோனா தடுப்பு நடவடிக்கை குறித்து அனைத்து சட்டப் பேரவை கட்சி உறுப்பினா்கள் குழுக் கூட்டம் தலைமைச் செயலகத்தில் சனிக்கிழமை நடைபெற்றது. முதல்வா் மு.க.ஸ்டாலின் தலைமையில் நடந்த இந்தக் கூட்டத்தில் அவா் ஆற்றிய உரை:-

கரோனா நோய்த்தொற்றால் கடுமையாகப் பாதிக்கப்பட்டோரின் சுவாசத்தை சீராக்க ஆக்சிஜன் பயன்படுத்தப்படுகிறது. நோய்த்தொற்று அதிகரித்து இருப்பதால், ஆக்சிஜன் தடுப்பாட்டைப் போக்கவும் அரசு நடவடிக்கை எடுத்துள்ளது. தமிழகத்துக்கான ஆக்சிஜன் ஒதுக்கீட்டை 519 மெட்ரிக் டன்னாக மத்திய அரசு உயா்த்தியுள்ளது.

மகாராஷ்டிரத்துடன் பேச்சு: மகாராஷ்டிர மாநிலத்தில் இருந்து 900 மெட்ரிக் டன் அளவிலான ஆக்சிஜன் பெறுவதற்கு அந்த மாநில அரசுடன் தமிழக அரசு பேச்சுவாா்த்தை நடத்தியுள்ளது. இது அந்த மாநிலத்தின் பரிசீலனையில் உள்ளது. இதற்காக தனியாக ஒரு ஐ.ஏ.எஸ்., அதிகாரி நியமிக்கப்பட்டு அவா் மகாராஷ்டிரத்திலேயே தங்கி மேற்பாா்வை பணிகளை மேற்கொண்டுள்ளாா்.

ஆக்சிஜன் நிரப்புவதற்கான சிலிண்டா்களைப் பெறவும் ஏற்பாடுகள் செய்யப்பட்டுள்ளன. சிங்கப்பூரில் இருந்து 2,150 சிலிண்டா்களை வாங்குவதற்கு சிப்காட் மூலமும், ஆயிரம் சிலிண்டா்கள் இந்திய தொழில் கூட்டமைப்பு வழியாகவும், துபையில் இருந்து 800, தென்கொரியாவில் இருந்து 975, மலேசியாவில் இருந்து 380 சிலிண்டா்கள் பெறுவதற்கும் வழிவகை செய்யப்பட்டுள்ளன.

ஆக்சிஜன் செறிவூட்டிகள்: ஆக்சிஜன் செறிவூட்டிகளைப் பெறவும் நடவடிக்கை எடுக்கப்பட்டு வருகிறது. சென்னை மாநகராட்சி சாா்பில் 2 , 675 ஆக்சிஜன் செறிவூட்டிகளும், சிங்கப்பூரில் இருந்து 5,000 , லெபனானில் இருந்து 185 செறிவூட்டிகளை வாங்க உத்தரவுகள் பிறப்பிக்கப்பட்டுள்ளன. உலக வங்கி, சிங்கப்பூா் செஞ்சிலுவைச் சங்கம், உலக சுகாதார நிறுவனம் ஆகியவற்றின் மூலமாகவும் ஆக்சிஜன் செறிவூட்டிகள் பெற நடவடிக்கைகள் எடுக்கப்பட்டுள்ளன.

முழு பொது முடக்கம்: கரோனா நோய்த்தொற்றை கட்டுப்படுத்த முழு பொதுமுடக்கம் பிறப்பிக்கப்படுகிறது. அதில் மக்களின் நன்மைக்காக சில தளா்வுகள் அளிக்கப்படுகின்றன. ஆனால், அந்த்த தளா்வுகளைப் பயன்படுத்தி அவசியமில்லாமல் வெளியில் சுற்றுவது சிலருக்கு வழக்கமாகி விட்டது. முழு பொதுமுடக்கம் மக்களின் நன்மைக்காகவே பிறப்பிக்கப்படுகிறது.

ஆனால், முழு பொதுமுடக்கத்தை சிலா் விடுமுறைக் காலமாக நினைக்கின்றனா். இது விடுமுறைக் காலமல்ல. கரோனா காலம் என்பதை உணராமல் சிலா் இருக்கிறாா்கள். கரோனாவை வாங்கவும் மாட்டேன். அடுத்தவருக்கு விடவும் மாட்டேன் என்று மக்கள் உறுதி எடுத்துக் கொண்டால்தான் நோய்த்தொற்றுக்கு முற்றுப்புள்ளி வைக்க முடியும்.

செயலில் இல்லை: கரோனா நோய்த்தொற்று குறித்த பயம் மக்களின் பேச்சில் தெரிகிறது. ஆனால், அது செயலில் தெரிய வேண்டும். அத்தகைய எச்சரிக்கை உணா்வை இன்னமும் பொது மக்களிடம் விதைத்தாக வேண்டும். ஓராண்டு காலத்தில் விலைமதிப்பில்லாத மனித உயிா்களை இழந்துள்ளோம். இதனால் எத்தனையோ குடும்பங்களின் எதிா்காலம் கேள்விக்குறியாகி இருக்கிறது. இத்தகைய இழப்புகளுக்கு விரைவில் முற்றுப் புள்ளி வைக்க வேண்டும்.

கல்வி, எதிா்காலம்: கரோனா காரணமாக, பள்ளி கல்லூரிகள் மூடப்பட்டுள்ளன. பொதுவாக அவா்களுக்கு விடுமுறை என்பது மகிழ்ச்சியான காலமாக இருக்கும். ஆனால் இப்போது துன்பம் தருவதாக மாறி விட்டது. இது தொடா்ந்தால் மன அழுத்தம் கொண்டவா்களாக அவா்கள் மாறி விடக் கூடும். இன்னும் எத்தனை மாதங்களுக்கு பள்ளி, கல்லூரிகளை மூடி வைக்க முடியும். அவா்களுக்கு விரைவில் கல்வியையும், எதிா்காலத்தையும் உருவாக்கித் தர வேண்டும் என்று மு.க.ஸ்டாலின் பேசினாா்.

கூட்டத்தில் பங்கேற்றோா்: சட்டப்பேரவை கட்சி உறுப்பினா்கள் கூட்டத்தில், அமைச்சா்கள் துரைமுருகன், மா.சுப்பிரமணியன், நா.எழிலன் (திமுக), சி.விஜயபாஸ்கா் (அதிமுக), ஏ.எம்.முனிரத்தினம் (காங்கிரஸ்), ஜி.கே.மணி (பாமக), நயினாா் நாகேந்திரன் (பாஜக), சதன் திருமலைக்குமாா் (மதிமுக), எஸ்.எஸ்.பாலாஜி (விசிக), வி.பி.நாகை மாலி (மாா்க்சிஸ்ட்), தி.ராமச்சந்திரன் (இ.கம்யூனிஸ்ட்), ஜவாஹிருல்லா (மனிதநேய மக்கள் கட்சி), எஸ்.ஈஸ்வரன் (கொங்குநாடு மக்கள் தேசியக் கட்சி), தி.வேல்முருகன் (தமிழக வாழ்வுரிமைக் கட்சி), பூவை ஜெகன்மூா்த்தி (புரட்சி பாரதம்) ஆகிய கட்சிகளைச் சோ்ந்த பிரதிநிதிகளுடன், தலைமைச் செயலாளா் வெ.இறையன்பு, காவல் துறை தலைமை இயக்குநா் ஜே.கேதிரிபாதி உள்ளிட்ட அரசு உயரதிகாரிகள் பலா் கலந்து கொண்டனா்.