பல் மருத்துவ பட்ட மேற்படிப்புக்கான கலந்தாய்வு நாளை தொடக்கம்

பல் மருத்துவ பட்ட மேற்படிப்புக்கான கலந்தாய்வு நாளை தொடங்குகிறது என்று அமைச்சர் மா.சுப்பிரமணியன் தெரிவித்துள்ளார்.
பல் மருத்துவ பட்டமேற்படிப்புகளுக்கான தரவரிசை பட்டியலை மருத்துவம் மற்றும் மக்கள் நல்வாழ்வுத் துறை அமைச்சர் மா.சுப்பிரமணியன் இன்று டி.எம்.எஸ். சென்னை வளாகத்தில் வெளியிட்டார். 
பின்னர் அவர் செய்தியாளர்களுக்கு அளித்த பேட்டியில், 2021-2022 ஆம் ஆண்டிற்கான பல் மருத்துவ பட்ட மேற்படிப்பிற்கான தரவரிசைப்பட்டியல் இப்போது வெளியிடப்பட்டுள்ளது. பல் மருத்துவ பட்ட மேற்படிப்பிற்கான மொத்த இடங்கள் 358. 

இதையும் படிக்க- உள்ளாட்சித் தேர்தல்: 11 ஆவணங்களில் ஏதேனும் ஒன்றை காண்பித்து வாக்களிக்கலாம்

இதில் அரசு கல்லூரிகளுக்கான இடங்கள் 62, சுயநிதி கல்லூரிகளுக்கான இடங்கள் 296 ஆகும். இப்போது பெறப்பட்டுள்ள மொத்த விண்ணப்பங்கள் 1018. இதில் தரவரிசைக்கு தகுதியான விண்ணப்பங்கள் 964. 
இப்பட்டியலின் அடிப்படையில் பல் மருத்துவ பட்ட மேற்படிப்பிற்கான கலந்தாய்வு நாளை 3-10-2021 அன்று தொடங்கப்படுகிறது என்றார்.