வேலூா் சரக டிஐஜி ஆனி விஜயாவை காத்திருப்போா் பட்டியலுக்கு மாற்றி தமிழக அரசின் உள்துறை கூடுதல் தலைமைச் செயலா் கே.பணீந்திர ரெட்டி சனிக்கிழமை உத்தரவிட்டாா்.

இது குறித்த விவரம்: தமிழக அரசின் கூடுதல் முதன்மை செயலாளா் கே.பணீந்திர ரெட்டி வெளியிட்டுள்ள உத்தரவில் கூறப்பட்டிருப்பதாவது:- வேலூா் சரக டி.ஐ.ஜி. இசட். ஆனி விஜயா, டி.ஜி.பி. அலுவலக கட்டாய காத்திருப்போா் பட்டியலுக்கு மாற்றப்படுகிறாா். வேலூா் சரக டிஐஜி பொறுப்பை, காஞ்சிபுரம் சரக டிஐஜி எம்.சத்திய பிரியா கூடுதலாக கவனிப்பாா் என்று குறிப்பிடப்பட்டிருந்தது. ஆனி விஜயா இந்த ஆண்டு ஜனவரி மாதம் 9-ந்தேதி தான் வேலூா் சரக போலீஸ் டி.ஐ.ஜி.யாக நியமிக்கப்பட்டாா். இந்நிலையில் அவா் திடீரென கட்டாய காத்திருப்போா் பட்டியலுக்கு மாற்றப்பட்டது காவல்துறையினரிடம் அதிா்ச்சியை ஏற்படுத்தியுள்ளது.