கோயில்களை இடித்ததாக பொய்ச் செய்தி பரப்புகிறாா்கள்: முதல்வா் மு.க.ஸ்டாலின் கண்டனம்

கோயில்களை இடித்து விட்டதாக சமூக ஊடகங்களில் பொய்ச் செய்திகளை பரப்புவதாக திமுக தலைவரும், முதல்வருமான மு.க.ஸ்டாலின் கூறினாா்.

திமுக தகவல் தொழில்நுட்ப அணியினருடன், காணொலி வழியாக சனிக்கிழமை அவா் பேசியது:

நகா்ப்புற உள்ளாட்சித் தோ்தல் நெருங்கி வருகிறது. அரசின் சாதனைகளை இளைஞா்களிடையே – சமூக வலைதளங்களில் இயங்குபவா்களிடையே கொண்டு சோ்க்க வேண்டிய கடமையும் பொறுப்பும் உள்ளது. என்னிடம் வரும் அனைத்துக் கோப்புகளையும் அந்தந்த மாதத்துக்குள் முடிவுகளை எடுத்து முடித்திருக்கிறேன். இவை அனைத்தையும் தமிழ்நாட்டு இளைஞா்கள், இணையதள மக்களிடம் கொண்டு சோ்க்க வேண்டிய கடமை இருக்கிறது.அரசின் சாதனைகளைச் சொன்னாலே போதும் திமுக.வின் வெற்றி எளிதாகிவிடும். திமுக மீதான நம்பிக்கை அதிகமாகும். இந்த சாதனைகளை மறைக்கவும் - திசைதிருப்பவும்தான் எதிரணியினா் முயற்சி செய்கிறாா்கள்.

இந்து சமய அறநிலையத் துறையின் சாா்பில் கடந்த எட்டுமாத காலத்தில் மகத்தான சாதனைகள் செய்யப்பட்டு வருகின்றன. அதனைத் தாங்கிக் கொள்ள முடியாதவா்கள், நூற்றுக்கணக்கான கோயில்களை இடித்து விட்டதாகப் பொய்ச்செய்தி பரப்பி வருகிறாா்கள். எங்கே, எப்போது, ஏன் என்று எந்த ஆதாரத்தையும் அவா்கள் தருவது இல்லை. ஆனால் அவா்கள் பரப்பும் பொய்ச் செய்திகள் வேகமாக பரவுகின்றன. இந்த நிலையில், உண்மையில் அந்தத் துறையின் சாா்பில் நாம் முன்னெடுத்து வரும் திட்டங்களை ஆதாரங்களோடு வெளியிடுவதுதான் அதற்கான சரியான பதிலாக இருக்க முடியும். மலையளவு பொய்யாக இருந்தாலும், அதை உடைக்க உண்மை ஒன்றே போதும். உண்மைகளை மக்களிடம் எடுத்துச் சொன்னாலே போதும்.

எதிரணியினா்: எதிரணியினா் நம்மை கோபப்படுத்துவாா்கள், ஆத்திரப்படுத்துவாா்கள். அதற்கு நாம் எதிா்வினையாற்ற வேண்டும் என்பதுதான் அவா்கள் எதிா்பாா்ப்பு.

அவா்களைப் போல நீங்கள் செய்யாதீா்கள். நாம் ஆட்சிப் பொறுப்பில் இருக்கும் கட்சி. எதிா்க்கட்சியினா் போன்று நாம் நடந்து கொள்ள முடியாது. ஆட்சியில், அதிகாரத்தில் நாம் இருப்பதால் அவா்கள் அளவுக்குக் கீழே இறங்கி சண்டை போட முடியாது. எனவே எச்சரிக்கையுடன்தான் நாம் நம்முடைய வாதங்களை வைக்க வேண்டும்.

ஜாதி, மதத்தை வைத்துத் திட்டுவா். பெண்களாக இருந்தால் ஆபாசமாகப் பேசுவா். நமது குடும்பத்தை இழிவுபடுத்துவா். அதுதான் அவா்களின் பண்பாடு. பதில் சொல்கிறோம் என்று நினைத்துக் கொண்டு புதுப் பிரச்சினையை நாம் உருவாக்கக் கூடாது. சமீபகாலமாகத் தேவையற்ற சில விமா்சனங்களை இணையதளத் தோழா்களில் சிலா் செய்கிறாா்கள். இதைத் தவிா்க்க வேண்டும்.

உண்மையான செய்திகளை எல்லோருக்கும் கொண்டு சோ்ப்போம். அதற்கு உங்களை நீங்களே கூா்தீட்டிக் கொள்ள வேண்டும். நிறையத் தகவல்களைத் தெரிந்துகொள்ள வேண்டும். நிறைய படிக்க வேண்டும். யாா் எந்தக் குற்றச்சாட்டு வைத்தாலும் அதற்கு உடனடியாகப் பதில் சொல்லத் தயாராக இருக்க வேண்டும் என்று மு.க.ஸ்டாலின் பேசினாா்.

இந்தக் கூட்டத்தில் தகவல் தொழில்நுட்ப அணியின் செயலாளா் டி.ஆா்.பி.ராஜா உள்ளிட்ட பலரும் கலந்து கொண்டனா்.