தேசிய ஜனநாயகக் கூட்டணியின் குடியரசுத் துணைத் தலைவா் வேட்பாளா் ஜகதீப் தன்கருக்கு அதிமுக இடைக்கால பொதுச்செயலாளா் எடப்பாடி பழனிசாமி, தமாகா தலைவா் ஜி.கே.வாசன் ஆகியோா் ஆதரவு தெரிவித்துள்ளனா்.

எடப்பாடி பழனிசாமி: குடியரசுத் துணைத் தலைவா் வேட்பாளா் ஜகதீப் தன்கருக்கு ஆதரவு தருமாறு மத்திய பாதுகாப்புத் துறை அமைச்சரும், பாஜக மூத்த தலைவருமான ராஜ்நாத் சிங் தொலைபேசி வாயிலாக என்னிடம் கேட்டுக்கொண்டாா். ஜகதீப் தன்கருக்கு அதிமுக முழு ஆதரவை அளிக்கும்.

ஜி.கே.வாசன்: தேசிய ஜனநாயக கூட்டணியின் குடியரசுத் துணைத் தலைவா் வேட்பாளா் ஜகதீப் தன்கருக்கு வாழ்த்துகள். அவருக்கு தமாகா ஆதரவு அளிக்கிறது.