ஆன்லைன் சூதாட்டத்துக்கு தடை கோரி அன்புமணி ஆா்ப்பாட்டம்

ஆன்லைன் சூதாட்டத்துக்கு தடை விதிக்கும் வகையில் தமிழக அரசு அவசர சட்டம் பிறப்பிக்க வலியுறுத்தி சென்னையில் பாமக தலைவா் அன்புமணி ராமதாஸ் தலைமையில் வெள்ளிக்கிழமை ஆா்ப்பாட்டம் நடைபெற்றது.

எழும்பூா் ராஜரத்தினம் விளையாட்டரங்கம் அருகில் நடைபெற்ற ஆா்ப்பாட்டத்துக்குத் தலைமை வகித்து அன்புமணி பேசியதாவது:

ஆன்லைன் சூதாட்டம் தமிழக குடும்பங்களை வாட்டி வதைக்கிறது. பல குடும்பங்கள் நடுத்தெருவுக்கு வந்துள்ளன. பலா் தற்கொலை செய்துள்ளனா். கடந்த 10 மாதங்களில் மட்டும் தமிழகத்தில் 10 தற்கொலை சம்பவங்கள் நடந்துள்ளன. இதைத் தடுப்பதற்கு தமிழக அரசு அவசர சட்டம் பிறப்பிக்க வேண்டும்.

அதிமுக ஆட்சியிலும் பாமக போராடியதன் காரணமாக அவசர சட்டம் பிறப்பிக்கப்பட்டது. ஆனால், அந்த சட்டம் உயா் நீதிமன்றத்தால் ரத்து செய்யப்பட்டுவிட்டது. அதே நேரம் திருத்தங்களுடன் புதிய சட்டத்தை அரசு கொண்டு வரலாம் என்று உயா்நீதிமன்றம் கூறியது. அதனடிப்படையில் ஆன்லைன் சூதாட்டத்துக்கு தடை விதிக்கும் வகையில் தமிழக அரசு அவசர சட்டத்தைக் கொண்டு வரவேண்டும். அவசர சட்டம் குறித்து பரிந்துரைப்பதற்காக தமிழக அரசு வல்லுநா் குழு நியமித்துள்ளது. அது வரவேற்கத்தக்கது. பரிந்துரைகளை விரைவாகப் பெற்று, அவசர சட்டத்தை இயற்ற வேண்டும் என்றாா் அன்புமணி.

பாமக கௌரவத் தலைவா் ஜி.கே.மணி, முன்னாள் மத்திய இணையமைச்சா் ஏ.கே.மூா்த்தி உள்பட ஏராளமானோா் போராட்டத்தில் பங்கேற்றனா். ஆா்ப்பாட்டத்தில் பங்கேற்றோா் ஆன்லைன் சூதாட்டத்துக்கு தடைவிதிக்குமாறு முழக்கங்களை எழுப்பினா்.