அனைத்து பேருந்துகளிலும் பெண்கள் இலவசமாக பயணம் செய்ய அனுமதிக்க முடியாது என்று பேரவையில் போக்குவரத்துத் துறை அமைச்சர் ராஜகண்ணப்பன் செவ்வாய்க்கிழமை தெரிவித்தார்.

தமிழக சட்டப்பேரவையில் பட்ஜெட் கூட்டத் தொடர் நடைபெற்று வருகின்றன. இன்று காலைமுதல் உறுப்பினர்களின் கேள்விகளுக்கு அமைச்சர்கள் பதிலளித்து வருகின்றனர்.

இதையும் படிக்க | போரை முடிவுக்கு கொண்டுவர புதினை நேரில் சந்திக்க வேண்டும்: ஸெலென்ஸ்கி வலியுறுத்தல்

அதிமுகவை சேர்ந்த செல்லூர் ராஜு, “குறிப்பிட்ட பேருந்துகளில் மட்டும் பெண்களுக்கு இலவசமாக பயணம் செய்ய அனுமதித்து இருப்பது பெண்களிடையே குழப்பத்தை ஏற்படுத்துகிறது. இதனால், பணிக்கு செல்வோர் சிரமத்தை எதிர்கொள்கின்றனர்” எனக் கேள்வி எழுப்பினார்.

இந்த கேள்விக்கு பதிலளித்த ராஜகண்ணப்பன், “போக்குவரத்துத் துறை ரூ. 48,000 கோடி நஷ்டத்தில் இயங்கி வருவதால், பெண்களுக்கு அனைத்து பேருந்துகளிலும் இலவசம் என அறிவிக்க முடியாது” என்றார்.