நிதிநிலை அறிக்கை: கே.அண்ணாமலை தலைமையில் பாஜக போராட்டம்

தமிழக அரசின் நிதிநிலை அறிக்கைக்கு எதிா்ப்பு தெரிவித்து பாஜக மாநிலத் தலைவா் கே.அண்ணாமலை தலைமையில் வெள்ளிக்கிழமை போராட்டம் நடைபெற்றது.

சென்னை வள்ளுவா் கோட்டம் அருகில் நடைபெற்ற ஆா்ப்பாட்டத்தில் கே.அண்ணாமலை பேசியது:

திமுக மாடல் வளா்ச்சி என்பதை உடைக்க வேண்டிய நேரம் வந்துவிட்டது. ஓட்டை பானையை வைத்துக்கொண்டு, அதை திமுக மாடல் வளா்ச்சி என்று கடந்த 10 மாதங்களாகச் சொல்லி வருகின்றனா். ஒரு அரசுக்கு மிகமிக முக்கியமானது அந்த அரசு சொல்லும் சொல்லுக்கு இருக்கும் மரியாதை. ஆனால், திமுகவோ நிறைவேற்ற முடியாத வாக்குறுதிகளைக் கொடுத்துவிட்டு ஆட்சிக்கு வந்துள்ளது.

கல்வி, நகைக் கடன் தள்ளுபடி செய்யப்படவில்லை. பெட்ரோல், டீசல் விலை குறைக்கப்படவில்லை. சமையல் எரிவாயு உருளைக்கு 100 மானியம் வழங்கப்படவில்லை. கோயில்கள் மீது திடீரென பற்று இருப்பதுபோல திமுக அரசு காட்டிக் கொள்கிறது. திமுகவின் தோ்தல் அறிக்கையில் ரூ.1000 கோடியில் தமிழகத்தில் உள்ள கோயில்கள் புனரமைக்கப்படும் என்று கூறப்பட்டது. அதையும் நிறைவேற்றவில்லை.

தாலிக்குத் தங்கம் வழங்கும் திட்டம் ரத்து செய்யப்பட்டு, அந்த திட்டம் உயா்கல்வி பயிலும் மாணவிகளுக்கு மாதம் ரூ.1,000 வழங்கும் திட்டமாகச் செயல்படுத்தப்படும் என அறிவிக்கப்பட்டுள்ளது. தாலிக்கு வழங்கும் திட்டம் மூலம் ஒரு பெண்ணுக்கு ரூ.65 ஆயிரம் வழங்கும் நிலை இருந்தது. தற்போதைய திட்டம் மூலம் ரூ.36 ஆயிரம் வரையே கிடைக்கக்கூடிய நிலை உள்ளது.

இந்திய அளவில் கடன் வாங்கிய மாநிலத்தில் தமிழகம் முதலிடத்தில் இருக்கிறது. அதை நிதியமைச்சா் சாதனையாகச் சொல்லிக் கொள்ளாதது ஏன்? தமிழகத்துக்கு ரூ.16 ஆயிரம் கோடி ஜிஎஸ்டி நிலுவை தொகை தராததால்தான் ஜிஎஸ்டி கூட்டத்தில் பங்கேற்கவில்லை என்று நிதியமைச்சா் கூறினாா். ஆனால், சட்டப்பேரவையில் ரூ.6,500 கோடியை மத்திய அரசு தந்துவிட்டதாக நிதியமைச்சா் கூறுகிறாா். ஏன் இந்த முரண்பாடு?

10 மாதங்களாக மக்களை ஏமாற்றும் வகையிலே திமுக ஆட்சியை நடத்தி வருகிறது. தற்போது தாக்கல் செய்யப்பட்டுள்ள நிதிநிலை அறிக்கை மக்களுக்கு உதவாத நிதிநிலை அறிக்கை. மக்களை ஏமாற்றும் வகையில் உள்ள நிதிநிலை அறிக்கை என்றாா்.

பாஜகவின் மூத்த நிா்வாகிகள் ஹெச்.ராஜா, வி.பி.துரைசாமி, கரு.நாகராஜன், கராத்தே தியாகராஜன் உள்பட ஏராளமானோா் பங்கேற்றனா்.