பொறியியல் படிப்பு கட்டணத்தில் மாற்றமில்லை: அமைச்சா் க.பொன்முடி

தமிழகத்தில் பொறியியல் கல்லூரிகளில் கடந்த ஆண்டு வசூலித்த, அதே பழைய கட்டணம் தான் வசூலிக்கப்படும் என உயா் கல்வித் துறை அமைச்சா் பொன்முடி தெரிவித்தாா்.

இது குறித்து அவா் சென்னையில் வெள்ளிக்கிழமை செய்தியாளா்களிடம் கூறியதாவது: தமிழகத்தில் பொறியியல் படிப்புகளுக்கு கடந்த ஆண்டு வசூலித்த கட்டணமே தொடரும்; அதில் மாற்றம் இருக்காது. கட்டணத்தை உயா்த்தி ஏஐசிடிஇ பரிந்துரைத்திருந்தாலும் கூட தமிழகத்தில் பழைய கட்டணமே வசூலிக்கப்படும்.

புதிய கல்விக் கொள்கையில் பல்வேறு முறைகேடுகள் இருப்பது உண்மை. எனவே, தமிழ்நாடு கல்விக் கொள்கையைப் பொருத்தமட்டில், நாம் இதுவரை பின்பற்றிய முறையில் எந்த தவறும் இல்லை.

புதிய கல்விக்கொள்கை குறித்து... தமிழகத்தைப் பொருத்தவரை, தமிழ்நாடு மாநில கல்விக் கொள்கை உருவாக்குவதற்காக முதல்வா் ஒரு குழுவை நியமித்திருக்கிறாா். அந்தக் குழு ஆரம்பக் கல்வி, உயா் கல்வி மற்றும் தமிழகத்தில் இருக்கின்ற சில மாற்றங்களை, வளா்ச்சிகளை உருவாக்க வேண்டும் என்ற முடிவுகளை எடுத்து, அதனடிப்படையில் கொள்கை உருவாக்கப்படும். அது தொடா்பாக முதல்வா் அறிவிப்பாா்.

மத்திய பல்கலைக்கழகங்களில் நுழைவுத் தோ்வு நடத்த உத்தரவிடப்பட்டிருந்தது. மொத்தமுள்ள 55 மத்திய பல்கலைக்கழகங்களில் 22-இல் தோ்வு நடத்த மறுத்துள்ளன. மாநிலப் பட்டியலில் கல்வி கொண்டுவரப்பட்டால் இவையெல்லாம் சரியாகிவிடும். புதிய கல்விக் கொள்கையை ஏற்றுக்கொள்ளக்கூடிய சூழலில் தமிழகம் இல்லை.

தாய்மொழியில் பொறியியல்...: 2010-இல் முன்னாள் முதல்வா் கருணாநிதி ஆட்சிக் காலத்தில் நான் உயா்கல்வித்துறை அமைச்சராக இருந்தபோது, ஒரு அரசாணை வெளியிடப்பட்டு தமிழ் வழியில் பொறியியல் படிப்புகள் அறிமுகப்படுத்தப்பட்டிருக்கின்றன. தமிழ்வழியில் படித்த மாணவா்களுக்கு வேலைவாய்ப்பில் முன்னுரிமை அளிக்கப்படும் என்றும் அறிவிக்கப்பட்டிருக்கிறது. ஆகவே, இது 2010-ஆம் ஆண்டிலேயே உள்ளது. தொழில் படிப்புகளை தமிழ்வழியில் படிப்பது எல்லாம் ஏற்கெனவே தொடங்கிவிட்ட ஒன்றுதான். இது எதுவும் நமது மாநிலத்தில் புதிதாக நுழையவில்லை என்றாா் அமைச்சா் பொன்முடி.