உத்தர பிரதேச முன்னாள் முதல்வா் முலாயம் சிங் யாதவ் மறைவுக்கு அதிமுக இடைக்கால பொதுச் செயலா் எடப்பாடி கே.பழனிசாமி உள்ளிட்ட அரசியல் கட்சித் தலைவா்கள் இரங்கல் தெரிவித்துள்ளனா்.

எடப்பாடி கே. பழனிசாமி (அதிமுக): முன்னாள் முதல்வா் முலாயம் சிங் யாதவ் மறைவுச் செய்தி கேட்டு துயருற்றேன். அவரது குடும்பத்தினருக்கும் சமாஜவாதி கட்சியினருக்கும் ஆழ்ந்த இரங்கல்.

ஓ.பன்னீா்செல்வம் (அதிமுக): முலாயம் சிங் யாதவ் மறைவுக்கு ஆழ்ந்த இரங்கல். முன்னாள் முதல்வா் ஜெயலலிதாவுடன் சிறந்த முறையில் பழகியவா். அவரது குடும்பத்தினருக்கும் கட்சியினருக்கும் ஆறுதல்.

வைகோ (மதிமுக): என்னிடம் அளவற்ற அன்பு செலுத்திய முலாயம் சிங் யாதவ் மறைவுச் செய்தி கேட்டு அதிா்ச்சியடைந்தேன். 1975-இல் நெருக்கடி நிலை பிரகடனம் செய்யப்பட்டபோது, ஜனநாயக உரிமைகளுக்காகப் போராடி, 19 மாத காலம் சிறையில் அடைபட்டு தியாக சரித்திரம் படைத்தவா்.

ராமதாஸ் (பாமக): பிற்படுத்தப்பட்ட மக்களின் முன்னேற்றத்துக்காக வாழ்நாள் முழுவதும் உழைத்தவா். எனது 33 ஆண்டு கால சமூகநீதி தோழா். அவா் மறைவு எனக்கு தனிப்பட்ட முறையில் பெரும் இழப்பு.

இரா. முத்தரசன் (இந்திய கம்யூனிஸ்ட்): நாட்டின் விடுதலைப் போராட்ட வீரா், சோசலிச சிந்தனையாளா். ராம் மனோகா் லோகியா, ராஜ் நாராயணன் போன்றவா்களின் வழிநின்று பொது வாழ்வில் ஈடுபட்டவா். சமூக சீா்திருந்த கொள்கைகளில் முற்போக்கு கண்ணோட்டம் கொண்டவா்.

கே.அண்ணாமலை (பாஜக): முலாயம் சிங் யாதவ் சிறந்த அரசியல்வாதியாகவும், மக்கள் நலனை முன்னிறுத்திய தலைவராகவும் என்றென்றும் நினைவுகூரப்படுவாா்.

ஜி.கே.வாசன் (தமாகா): ஆட்சி அதிகாரத்தில் இல்லாதபோதும் பொது வாழ்வில் சிறந்து விளங்கியவா்.

அன்புமணி (பாமக): இந்தியாவின் சமூகநீதி தூணாகத் திகழ்ந்தவா் முலாயம் சிங் யாதவ். பிற்படுத்தப்பட்ட மக்களின் முன்னேற்றத்துக்காக வாழ்நாள் முழுவதும் உழைத்தவா். வட இந்தியாவின் தவிா்க்க முடியாத தலைவா்.

டிடிவி தினகரன் (அமமுக) : நாட்டின் மூத்த அரசியல் தலைவா்களில் ஒருவரான முலாயம் சிங் யாதவ் மறைவுச் செய்தியால் வருத்தமடைந்தேன்.