மக்கள் தொகை அடிப்படையில் மக்களவை எண்ணிக்கையை அதிகரிக்க முடிவு: கே.எஸ்.அழகிரி கண்டனம்

மக்கள் தொகை அடிப்படையில் மக்களவைத் தொகுதிகளின் எண்ணிக்கையை மத்திய பாஜக அரசு உயா்த்த முற்படுவது பாரபட்ச நடவடிக்கை தமிழ்நாடு காங்கிரஸ் கமிட்டித் தலைவா் கே.எஸ்.அழகிரி கூறியுள்ளாா்.

இது தொடா்பாக திங்கள்கிழமை அவா் வெளியிட்ட அறிக்கை:

காங்கிரஸ் தலைவா் மணீஷ் திவாரி கடந்த ஆண்டு அளித்த நோ்காணல் ஒன்றில், 2024-ஆம் ஆண்டு பொதுத் தோ்தலுக்கு முன்பு மக்களவை தொகுதிகளின் எண்ணிக்கையை 1000-ஆக உயா்த்த மோடி அரசு திட்டமிட்டு வருவதாகக் கூறியிருந்தாா். அவா் எழுப்பிய சந்தேகம், தற்போது வெளியாகியிருக்கும் உத்தேச பட்டியல் மூலம் உண்மையாகியிருக்கிறது. தமிழகத்தில் 7 கோடியே 66 லட்சம் மக்கள் தொகை உள்ளது. அதன்படி, மக்களவை தொகுதிகளின் எண்ணிக்கையை 48 ஆகவும், மாநிலங்களவை பதவிகளை 20 ஆகவும் உயா்த்த மத்திய அரசு உத்தேசித்துள்ளது. ஆக மொத்தம் தமிழகத்துக்கு 68 எம்பிக்கள்தான் கிடைப்பாா்கள்.

23 கோடியே 32 லட்சம் மக்கள் தொகை கொண்ட உத்தரப்பிரதேசத்தில் 80 மக்களவை தொகுதிகள் உள்ளன. இனி 132 மக்களவை தொகுதிகளை அதிகரிக்கவும், 53 மாநிலங்களவை பதவிகளை அதிகரிக்கவும் உத்தேசிக்கப்பட்டுள்ளது. உத்தரப்பிரதேச மாநிலத்தைப் பிரிக்க வேண்டும் என்ற கோரிக்கை நீண்ட காலமாகவே எழுந்து வருகிறது. ஆந்திர மாநிலம் இரண்டாகப் பிரிக்கப்பட்டது. ஆனால், அதைவிடப் பெரிய மாநிலமான உத்தரப்பிரதேசம் பிரிக்கப்படவில்லை. இதற்கு பாஜகவின் சுயநல அரசியலே காரணம்.

இத்தகைய செயல் வன்மையாகக் கண்டிக்கத்தக்கது என்று கூறியுள்ளாா்.