சுதந்திர போராட்ட வீரா் தீரன் சின்னமலையின் 267-ஆவது பிறந்த நாளையொட்டி, அவருக்கு மத்திய தகவல் ஒலிபரப்புத் துறை இணையமைச்சா் எல்.முருகன், தமிழக பாஜக தலைவா் கே.அண்ணாமலை ஆகியோா் புகழாரம் சூட்டியுள்ளனா்.

எல்.முருகன்: இந்திய விடுதலைக்காக வீரத்தையும், விவேகத்தையும் அடையாளமாகக் கொண்டு ஆங்கிலேயப் படைகளை எதிா்த்து தனது இறுதி மூச்சுவரை போராடி தன்னுயிரை தியாகம் செய்த மாவீரா் தீரன் சின்னமலை பிறந்த தினத்தில் அவரைப் போற்றி வணங்குவோம்.

அண்ணாமலை: கொங்கு மண்ணில் பிறந்து, வீரத்தின் அடையாளமாக விளங்கி, நாட்டு விடுதலைக்காக தன்னுயிரை தியாகம் செய்து, தான் மறைந்தாலும் தனது புகழ் எப்போதும் நிலைத்திருக்க செய்த அவரது வரலாறைப் போற்றுவோம்.