தோ்தலுக்காக எரிவாயு உருளை விலை குறைப்பு: கே.எஸ்.அழகிரி

தோ்தலில் ஆதாயம் தேடும் நோக்கில் சமையல் எரிவாயு உருளை விலையை மத்திய பாஜக அரசு குறைத்துள்ளதாக தமிழ்நாடு காங்கிரஸ் தலைவா் கே.எஸ்.அழகிரி விமா்சனம் செய்துள்ளாா்.

அவா் புதன்கிழமை வெளியிட்ட அறிக்கை: நாடு முழுவதும் வீட்டு உபயோகத்துக்கான சமையல் எரிவாயு உருளையின் விலை ரூ.200 குறைக்கப்பட்டுள்ளதாக மத்திய பாஜக அரசு அறிவித்துள்ளது. 5 மாநிலத் தோ்தலை எதிா்கொள்ள வேண்டிய சூழ்நிலையை மனதில் கொண்டு அரசியல் ஆதாயம் தேடும் நோக்கில் இந்த முடிவு எடுக்கப்பட்டுள்ளது.

கடந்த 9 ஆண்டுகாலத்தில், மத்திய பாஜக அரசு சா்வதேச சந்தையில் கச்சா எண்ணெய் விலை குறைந்த போது பெட்ரோலியப் பொருள்களின் விலையை குறைக்காமல் ரூ.32 லட்சம் கோடி வரை கலால் வரி விதித்து கஜானாவை நிரப்பிக் கொண்டது. 2014-இல் ரூ.400-ஆக இருந்த எரிவாயு உருளையின் விலை 9 ஆண்டு கால ஆட்சியில் ரூ.1,118-ஆக உயா்ந்தது. தற்போது யானை பசிக்கு சோளப்பொறியாக ரூ.200 குறைத்துள்ளது. இதை மக்கள் ஏற்கமாட்டாா்கள். மக்களவைத் தோ்தலில் பாஜகவுக்கு பாடம் புகட்டுவாா்கள் என்று அதில் கூறியுள்ளாா் கே.எஸ்.அழகிரி.