இன்று முதல் சென்னை ஓஎம்ஆர் சாலையில் போக்குவரத்து மாற்றம் செய்யப்படுவதாக தெரிவிக்கப்பட்டுள்ளது.

சோழிங்நல்லூரில் இருந்து டைடல் பார்க் நோக்கி வரும் வாகனங்கள் துரைப்பாக்கம் சந்திப்பில் திருப்பி விடப்படும். காமாக்‌ஷி மருத்துவமனை சந்திப்பில் இருந்து சோழிங்நல்லூர் நோக்கி வரும் வாகனங்கள் பி.எஸ்.ஆர். மால் அருகே இடது புறம் (ராஜீவ் காந்தி சாலையில்) திருப்பிவிடப்பட்டு, பெருங்குடி சங்கச்சுவாடியில் புதிய யு திருப்பம் மூலம் சோழிங்நல்லூர் மற்றும் பிற இடங்களுக்குச் செல்லும்.

இதேபோல் கார்ப்பரேஷன் சாலையில் இருந்து துரைப்பாக்கம் சந்திப்பு நோக்கி வரும் வாகனங்கள் ராஜீவ் காந்தி சாலையில் இடதுபுறம் திருப்பப்பட்டு, பெருங்குடி சுங்கச்சாலையில் புதிய யூ திருப்பத்தில் சென்று துரைப்பாக்கம் சந்திப்பு மற்றும் பிற இடங்களுக்குச் செல்லும்.

இதையும் படிக்க: மேட்டூர் அணை நிலவரம்!

இந்த மாற்றம் சோதனை அடிப்படையில் டிச.16 முதல் செயல்படுத்தப்படும் என்றும், வாகன ஓட்டிகள் மற்றும் பொதுமக்கள் ஒத்துழைக்குமாறு போக்குவரத்து காவல் துறை கேட்டுக்கொண்டுள்ளது.